DILI, STLTIMORLESTE.com – Prezidente Republika (PR), Jose Ramos Horta husu Grupu Incanto Internasional Institute kolabora ho Kompanhia Kannet Group husi Singapura atu halo exporta hudi Singapura Timor Leste nia ba Nasaun Singapura.
Lia hirak nee hatoo husi Fundador Grupu Incanto Internasional Institute, Manuel Vong ba jornalista sira, bainhira remata halo enkontru ho Prezidente Republika Jose Ramos Horta iha palasiu Prezidensial Nicolau Lobato, Bairo Pite, Segunda (02/02/2026) hatete, iha hasoru malu nee Prezidente Republika rekomenda Incanto bele halo kolabora ho parseiru sira iha Singapura hodi exporta hudi Singapura Timor Leste nian ba nasaun Singapura.
“Sua exelensia Prezidente mos ohin ami koalia kona-ba hudi singapura, hudi singapura ita hotu hatene no ohin sua exelensia Prezidente dehan katak hahu took buat oan ruma neebe mak fora de formasaun profisional, haree exporta took, posiblidade atu dezenvolve hudi Singapura tanba merkadu Singapura mos iha ona,” dehan Fundador Incanto.
Fundador dehan hein katak loron ida Timor bele exporta hudi Singapura ba Singapura liu husi serbisu neebe formasaun tanba Incanto ho nia ekofart sei bele halo ida nee, entau ho povu tomak bele halo ida nee.
Ho hanoin Prezidente Republika nia hakarak exporta husi Singapura Timor Leste ba nasaun Singapura oinsa ho hanoin husi Incanto hatan ba kestaun nee Fundador Incanto dehan ida nee hakarak diak maibe presiza mobiliza mos agrikultor sira oinsa bele kuda mos hudi nee.
Iha fatin hanesan, CEO Incanto Group, Nico Jeronimo hatutan, liga ho hanoin husi Prezidente Republika Jose Ramos Horta nia nee diak presiza mobilizasaun ida ke pasivu.
“Ita presiza mobilizasaun ida ke pasivu hanesan involvimentu husi povu maibe maibe ita haree ninia posiblidade ho Ministeriu agrikultura hodi bele dezenvolve hudi Singapura TL nia nee,” dehan CEO Incanto.
Nia dehan Prezidente idea diak maibe maibe atu implementa nee presiza involvimentu husi komunidade liu liu ho negosiante, no inisiativa ida nee presiza halo duni tanba atu exporta produtu ruma ba Singapura presiza sertifikadu origin ninia organiku sira nee tenke halo didiak.
Nia hatete, idea prezidente Republika kapaas los maibe haree mos ba regra sira oinsa bele exporta no haree mos ba sertifikadu negosiu nia.
Nia akrasenta tan katak Kompanha Kanneth Group husi Singapura prontu atu kolabora ho Incanto Group oinsa halo mos koleborasaun ho agrikultura sira tanba nee Incanto hamutuk ho Kanneth sei haree hamutuk iha prosesu ba oin.
(eme)
