DILI, STLTIMORLESTE.com – Komisaun A neebe trata asuntu Konstitusional no Justisa iha Parlamentu Nasional (PN), aprova ona relatoriu fiskalizasaun ba iha Portugal neebe halao iha tinan 2025.
Prezidente Komisaun A, Deputadu Natalino dos Santos hatete, relatoriu vizita Komisaun A nian neebe ba Portugal haree liu kona-ba Lei Sibernetika nian, komisaun halo enkontru iha neeba nunee tenke halo relatoriu, nee importante atu haree kona-ba estudu komparativu oinsa atu kria lei liu-liu lei sibernetika.
“Ami aprova ami nia relatoriu vizita Komisaun A nian neebe ba Portugal haree liu kona-ba Lei Sibernetika nian, komisaun ba halo enkontru iha neeba tenke halo relatoriu no vizita nee importante atu haree kona-ba estudu komparativu oinsa ita atu kria ita nia lei, liu-liu lei sibernetika, entaun ohin ami aprova par submete meza hanesan konta da responsabilidade vizita do serbisu,” dehan nia iha Parlamentu Nasional, Dili, Kuarta (04/02/2026).
Nia hatutan, estudu komparativu nee diak tanba bele hetan esperiensia barak iha entidade relevante sira nunee materia sira neebe komisaun hetan, bele sai referensia ba deputadu sira, wainhira governu aprezenta lei sibernetika deputadu sira iha ona referensia.
“Ita hein hela lei nee husi Konsellu Ministru maibe Deputadu sira mos iha knaar ida ke lejislasaun bele hein husi Governu no bele mos Deputadu sira iha Artigu 97 Konstituisaun fo hela dalan ba Deputadu sira bele aprezenta projetu de lei husi Deputadu ka Bankada,” nia salienta.
Normalmente Bankada Parlamentar hira avansa ona ba projetu lei hira ke hatama ona, agora hein deit konsertasaun ka artikulasaun husi Governu iha lei barak maka sei tama mai.
Tanba ida nee mak horiseik iha plenaria atan rasik nia intervensaun husu para Governante orienta sira nia asesor atu haree didiak asesor sira neebe servisu, purke labele asesor sira ladun efetivu, entaun asves lei sira nee pendente, tan nee Komisaun A iha dever ida atu bolu atensaun.
(alb)
