DILI, STLTIMORLESTE.com – Nuudar kondutor sente triste tanba impantu husi funu Mediu Orienta Israel ho Amerika hasoru Iraun hadaet ba folin kombustivel iha Timor-Leste (TL) sae makaas, ho nunee husu governu buka alternativa rezolve lalais folin kombustivel iha rai laran.
Tuir Evaristo, ho funu Mediu Oriente halo investor sira neebe hatama kombustivel mai TL hasae ona folin kombustivel, gaoolina antes ho folin litru ida US$ 1.25 agora sae ba US$ 1.40 too US$ 1.49 centavus kada litru, gazoel antes ho folin litru ida US$ 1.30 agora sae ba US$ 1.65. Ho folin mina neebe sae hanesan fo ameas boot ba transporte publiku iha TL tan nee husu ba governu liu husi Ministeriu Transporte Komunikasaun buka alternativa hodi responde.
“Ami hatene mina folin sae tanba impaktu husi funu mediu oriente, maibe TL nuudar nasaun ida governu mos presiza buka alternativa hodi rezolve ho meius saida deit. Atu nunee la bele provoka hasae tarifa transporte publiku,” katak Evaristo.
Kondutor nee fundamenta, karik situasaun ida nee governu la rezolve dalaruma tempu badak ami foti alternativa hasae tarifa, se la hasae hetan osan husi neebe mak setor ba patrahun, osan hodi ense mina kuandu la too, bele mos transporte publiku la halo operasaun alias mogok.
Kabe ho situasaun mina folin sae dadaun karreta bus diresaun Dili-Vikeke ba-mai para provizoria la halo operasaun tula pasajeiru, ho razaun mina karun. Antes nee ense gazoel US$ 50 husi Vikeke mai Dili too, agora labele tenke ense mina husi US$ 100- 150 foin too.
Tuir observasaun STL too hodi seik dia 12 de Abril iha Terminal Bekora nota Bus diresaun Vikeke la dauk tama Terminal Bekora, Bus diresaun Baukau deit mak kontinua halo operasaun tula pasajeiru tama-sai. Maske nunee, transporte publiku hanesan mikrolet neebe halo operasaun iha Dili laran buka pasajeiru diresaun Terminal Becora lao normal.
(ger)
