BAUKAU, STLTIMORLESTE.com – Sekretariu Estadu Peskas (SEP) liu husi Munisipal Areas Aquicultora (MAA) distribui ikan ba grupu hakiak ikan iha area Munisipiu Baucau. MAA distribui hahu Janeiru too Marsu, konta fini ikan neebe distribui hamutuk 1.200 Cabesas.
Informa Koordenador MAA Baukau, Martinho Ximenes iha Baukau Vila, Tersa (14/4/2026).
Grupu hakiak ikan neebe numeru boot iha area munisipiu ida nee mak Venilale, Baukau Vila, Baguia, Quelikai no Laga. Husi grupu sira nee, se mak hakarak hakiak ikan, sira tenke halo pedidu liu husi estionista iha sira nia suku, depois xefe suku no administrador Postu Kelikai asina, lori ho medida kolam ka lagoam. Total lagoam nee hira, medida lagoam hira. Buat hotu tenki klaru.
Fini ikan neebe governu prepara hodi distribui ba grupu hakiak ikan sira, tipu ikan Nila. Ikan nee fasil hakiak, iha ninia rezistensia, no berkembang lalais liu. Aleinde ikan Nila, governu mos prepara nener/fini ikan tipu mono sex no mix iha Vemase. Se hakarak mono sex, entaun kontaktu ba Maubara, no Same sai sentru hakiak ikan, fatin iha area Klauk.
Molok ba foti fini ikan, grupu hakiak presiza kontaktu uluk para tau oksigen iha plastiku, tau hamutuk ho fini ikan. Oksigen iha ninia durasaun no limitasaun, balu oras tolu, balu oras 6. Oksigen nee hodi garantia fini ikan labele mate.
Entretantu, fini ikan tipu mix, foti husi Vemase. Tekniku sira iha neeba, kuandu iha ona indentifika, depois ba foti.
Menus Transporte
Munisipal Area Aquicultura (MAA) Baukau, daudaun nee menus transporte hodi kontrolu sentru 13 iha area Munisipiu Baukau. Maske nunee, staf MAA Baukau halao nafatin servisu, dala ruma sira ba too sentru sira tarde tanba orientasaun ba sira tarde.
Sentru 13 neebe ejisti iha munisipiu refere, hahú husi Vemase too Laga (batas Binagua), iha Suku Lurumata, sentru ikus baliza ho Laleia, afirma Koordenador MAA Baukau Martinho Ximenes iha Vila Nova Baukau, Tersa (14/4/2026).
Sira nia preokupasaun konaba transporte hatoo on aba Diresaun Peskas Nasional maibe too tinan ida nee seidauk responde. Maske nunee, staf MAA Baukau sira kontinua servisu iha sentru 13.
Se tinan oin sira iha ona transporte, haforsa ona sira nia servisu. Hanesan iha area tasi, dala ruma ikan sae, sira tenke ba hare, dala ruma liu husi exteniostista iha tasi. Ba aquicultura nian, sira ba Venilale iha tempu bazar. Faan ikan air tawar.
“Ami hatoo ba sira faan ikan ba konsumidade nia kualidade neebé diak, tanba konsume ba oan tanba ikan nee fasil kontamina no fasil atu entraga kuandu ninia korente valor lakuidadu didiak ida nee mak ami nia koordensaun ba too iha baze hatoo mos ba ami nia preokupasaun sira nee too ba iha nasional oinsa atu suporta ami ba transporte nomos fasilidade ruma atu hare bee, tanba ikan kresimentu ladiak primeiru bee ho ninia hahan,” dehan nia.
(joa)
