BAUKAU, STLTIMORLESTE.com – Presu kombustivel iha territoriu nasional inklui iha Baukau husi Postu Abastesimentu balu aplika ona presu tuir ordem Governu, maibe Diresaun Munisipal Transporte no Komunikasaun (DMTK) Baukau, mantein tarefas pasajeiru anterior ba transporte publiku sira.
Diretor DMTK Baukau, Mariano Pinto da Costa aprzenta, iha loron 08 Abril nee, motorista transporte publiku diresaun Vila Nova-Vila Antiga marka A1 no A2 halo asaun greve no aumenta tarefas ba pasajeiru sira, tanba razaun presu kombustive sae. Maibe DMTK Baukau hamutuk ho Polisia Tranzitu prevene kedas asaun nee no orienta transporte publiku sira diresaun Vila Nova-Vila Antiga, inklui diresaun husi Baukau Vila ba Postu Administrativu no husi Munisipiu Baukau ba Dili atu mantein ho tarefas pasajeiru anterior neebe bazeia ba Despashu Ministerial No.013/2012 de 13 de Junho kona-ba tarefas sirkulasaun Transporte Publiku.
“Hanesan diresuan neebe mak responsavel ba transporte sira fo hanoin ba transporte publiku sira mantein nafatin tarefas neebe mak iha ona, tanba ita seidauk iha tarefas foun,” Diretor DMTK Baukau Mariano Pinto da Costa hateten ba STL iha nia knaar fatin Watulete Vila Nova Baukau, Sesta (17/04/2026).
Entretantu tarefas anterior ba transporte publiku iha area juridiku Munisipiu Baukau, diresaun Vila Nova-Vila Antiga kada pasajeiru estudante selu US$ 0.15 no kada pasajeiru normal selu US$ 0.25.
Transporte publiku diresaun terminal ba Tasi Diwake kada pasajeiru selu US$ 0.25, husi terminal ba Buruma-Kaibada Makasae selu US$ 0.50, husi terminal ba Buibau-Samalari selu US$ 1.00, terminal ba Kaisidu-Waiono-Waisa selu US$ 1.00, terminal ba fatumaka selu US$ 0.50, husi Suku Gariuia area Uatuwa ba terminal kada pasajeiru selu US$ 0.50,
Tarefas pasajeiru ba Postu Administrativu Laga, husi Baukau Vila-Laga Vila kada pasajeiru selu US$ 1.00, Baukau Vila -area Laga Samaguia kada pasajeiru selu US$ 1.50, husi Baukau Vila ba area Laga Nunira-Lalulai-Sagadate kada pasajeiru selu US$ 2.00
Taferas pasajeiru ba Postu Administrativu Baguia, husi Baukau Vila ba Suku Afaloikai kada pasajeiru selu US$ 5.00, Baukau Vila ba Suku Larisula kada pasajeiru selu US$ 4.00, Baukau Vila ba Suku Lavateri-Defawasi-Wakala kada pasajeiru selu US$ 5.00.
Tarefas pasajeiru ba Postu Administrativu Kelikai, husi Baukau Vila ba Kelikai Vila kada pasajeiru selu US$ 2.00, husi Baukau Vila ba Postu Matebian kada pasajeiru selu US$ 3.00.
Husi Baukau Vila ba Postu Administrativu Kelikai Antigu kada pasajeiru selu US$ 2.00 no husi Baukau Vila ba Suku Namanei Postu Kelikai Antigu kada pasajeiru selu US$ 1.50.
Husi Baukau Vila ba Postu Administrativu Venilale kada pasajeiru selu US$ 1.50, Baukau Vila-Venilale Waioli kada pasajeiru selu US$ 2.00, Berkoli-Ossogigi kada pasajeiru selu US$ 0.50, Berkoli-Veniduku kada pasajeiru selu US$ 1.00, Baukau Vila-Vemasi kada pasajeiru selu US$ 1.50, Baukau Vila ba Loilubu Ostiku kada pasajeiru selu US$ 1.50, Baukau Vila ba Waigae kada pasajeiru selu US$ 3.00 enkuantu Baukau-Dili kada pasajeiru US$ 4.00.
(tom)
