DILI, STLTIMORLESTE.com – Segundu Komandante Polisia Nasional Timor Leste (PNTL), Komisaria Asistente Polisia, Natercia Martins husu feto sira prepara aan hodi kompete ba rekrutamentu PNTL neebe sei mai.
Segundu Komandante Komisaria Asistente Polisia, Natercia Martins ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Sesta (17/04/2026) husu feto sira nafatin prepara aan ho matenek nunee bele kompete mos ba rekrutamentu hodi assume kargu nuudar seguransa no responsablidade hanesan polisia.
“Mensajen ba feto atu prepara aan nunee bele halo mos responsablidade hanesan polisia sira liu liu polisia feto, premeiru mak nee tau importansia ba iha sira nia edukasaun, sira tenke ba oin tanba ita haree ba oin ita sei hasoru dezafiu barak,” dehan Segundu Komandante.
Komandante Natercia hatete, dezafiu ida neebe mak hasoru kapasidade atu detekta krime sira neebe detekta utiliza teknolozia entau prosesu ida aprendisajen nee importante remata tiha iha eskola sekundaria mak sei kontinua foti eskola sira neebe mak iha relasaun atu hasoru dezafiu sira nee hanesan IT ka teknolozia imformatika, konaba jestaun finansas no buat seluk. Tanba ida nee moss ai hanesan ejijensia id aba instituisaun polisia rasik.
Segundu komandante hatete laos deit rekrutamentu baziku para atu hatene halo funsaun polisia nia 5 hanesan investigasaun, polisiamentu komunitaria, tranzitu seguransa rodaviaria, nomos rua seluk tan maibe oinsa mak atu hetan pesoal sira neebe mak prontu kapasitu atu halao serbisu sira espesializasaun tekniku halai liu ba iha IT atu haree konaba krime eletronika online no buat sira nee.
“Hau nia mensajen mak nee konsentra estuda I lee barak labele gasta tempu ho facebook media sosial ida neebe mak labele kontrubui fo apoiu ba ita nia dezenvolvimentu koinesementu konaba situasaun global ida nee, segundu displina komportamentu tenke kontrola ita nia attitude mentalidade tenke iha mehi ida dehan katak nasaun nee ba oin, idade sira ami nia nee tama ona iha klaran ona atu ba reforma prepara atu ba reforma entau Semak atu mai subtitui entau ita nia alin joven sira neebe hakarak tebes atu sai polisia sira mak sei substitui,” dehan nia.
Segundu komandante hatete, dezenvovimentu ba oin presiza ema neebe matenek hodi hasoru dezafiu neebe iha liga ameasa ba nasaun nee tenke identifika tanba nasaun nee Vuneravel tebes.
“Hanesan sua exelensia ohin temi ita laiha krime organizado maibe ita nia rai vuneravel ba hetan ameasa husi krime ida nee haree husi numeru dezempregu aas joven sira barak mak la fo importansia ba edukasaun la respeita inan aban bainhira fo moral, gosta ransu depois gosta kontribui ba buat neebe lalori benefisiu ba sira nia aan no sira nia futuru ida nee mak hau hakarak hatoo,” katak nia.
Nuudar feto asume mos kargu nuudar Segundu komandante PNTL oinsa fahe tempu ho familia sira? Hatan ba kestaun nee Segundu komandante hatete fahe tempu dalaruma susar tanba tenke fo prioridade ba ema barak nia seguransa intrese ema barak nia entau dala barak sakrifika uma laran no tenke halo sakrifisiu.
Maibe fiar katak bainhira halo serbisu diak ho fiar ba nain Maromak no Matebian no kultura entau ho esperito heroi da patria rai lulik nia esperito sei haforte ho serbisu neebe halo mesmo la halo balansu entre serbisu no familia maibe ho esperito buat hotu sempre lori rezultadu diak
Komando Jeral PNTL Komisariu Afonso do Santos hatutan ohin mai hasoru malu ho Prezidente Republika Jose Ramos Horta hodi aprezente future polisia feto.
“Hau ho segundu Komandante ho hau mai aprezenta atu haree futuru polisia feto sira nia mak nee ona sira seluk laiha ona,” katak Komjer.
(eme/EST 1)
