AMBENO, STLTIMORLESTE.com – Polícia Ciéntifica e de Investigação Criminal (PCIC) dadersan nee, halo averiguasaun ba Gabinete Prezidente Autoridade Rejiaun Administrativa Espesial Oecusse-Ambeno (PA-RAEOA).
PCIC too Gabinete PA-RAEOA Oebau iha oras tuku 07:30 oras Timor Leste (OTL), Segunda (27/04/2026) domina kedan edifisiu Gabinete Autoridade RAEOA hodi hein Prezidente Autoridade RAEOA, Regio da Cruz Salu neebe too iha office Gabinete Autoridade RAEOA tuku 08:30 dadersan, kumprimenta kedan ho Ekipa PCIC neebe lidera husi Inspetor Xefe Polísia Mario Tavares ho ninia membru sira inklui serbisu Nasional Intelijensia (SNI).
Tuir informasaun neebe STL asesu husi fontes neebe lakohi temi naran serbisu iha Gabinete Autoridade RAEOA Oebau katak, dadersan nee sira hakfodak, derepenti deit PCIC haleu ona Gabinete Autoridade RAEOA.
“Ami nuudar Funsionariu iha Gabinete Autoridade RAEOA, sente hakfodak, Ami tama office, sira husi PCIC husu dehan bele tama iha office laran, maibe labele book sasan neebe tau iha meja leten,” dehan nia.
Nia haktuir tan katak, ohin PA-RAEOA too office, kumprimenta no halo enkontru ho PA-RAEOA lalais deit no PA-RAEOA sai husi ninia Gabinete ba kedan iha atividades diseminasaun informasaun neebe organiza husi AIFAESA.
To’o notisia nee tuun, STL seidau hetan konfirmasaun husi parte PCIC, tanba dadaun nee sei kontinua halo averiguasaun iha parte aprovizionamentu Finansas.*
(koa)
