DILI, STLTIMORLESTE.com – Saudozu Mariano Fatubai Mota “Marito Mota” nia mate isin sei halot iha Jardim das Herois Metinaro iha loron Kinta (30/04/2026), antes atu bá halot sei lori ba vizita iha CCF, PN no Comite 12 Novembru.
Tuir informasaun neebe STL asesu husi Familia Matebian, Costa Rico Pereira Gomes nuudar subrinho dehan, tuir despaisu prezidensial neebe familia simu ona, husi Matebian nia Alin Tiu Antonio Mota katak, familia simu despacho prezidensial hatun ona, konfirmado aban sai husi uma tuku 08:00 dader, sei liu ba CCF pelo menus oras ida, iha Parlamento Nasional oras 1 no ba Comitê 12 Novembro 30 minutos hanesan nee, ba misa iha Igreja Becora. Depois misa ba halot matebian Iha Metinaro (oras seidauk klaru).
“Orariu neebe hau hetan husi Tiu Antonio Mota, matebian nia alin katak, despacho prezidencial hatun ona, konfirmado aban sai husi uma jam 8 dader, sei liu ba CCF pelo menus oras ida, iha parlamento nasional oras 1, no ba Comitê 12 Novembro 30 minutos hanesan nee hanoin ba Misa iha Igreja Becora. Depois misa ba halot matebian iha Metinaro (oras seidauk klaru),” dehan nia bá STL liu husi telefone, Kuarta (29/04/2026).
Nia dehan, matebian monu iha nia uma Kuluhun iha loron Tersa (28/04/2206), mais menus tuku 10:00 hanesan nee, lori bá Hospital Nasional Guidu Valadares maibe labele salva tanba atakasaun makas. Durante nee familia nunka hatene Tiu matebian moras fuan ka atakasaun, so hatene deit mak moras asam urat.
Matebian Marito Mota, nudar Fundador Grupu Rezisténsia FITUN, Eis Deputadu Parlamentu Nasional husi FRETILIN no ativista rezistensia urbana.
Saudozu kohese hanesan joven rezistente neebe firme no laran metin, dedika nia moris tomak atu hasoru invasaun militar ho korajen lao too rohan.
Nia papel hanesan fundador FITUN sai simbolu ba juventude neebe hakarak liberdade no justisa.
Entertantu liu husi pajina ofisial Mari Alkatiri katak, Fundador e Secretario-Geral FRETILIN, Mari Alkatiri hamutuk ho estrutura partido no membru CCF presta omenajen ba saudoso Camarada Mariano Fatubai Mota “Marito Mota” iha nia rezidensia Kuluhun no lori lideransa FRETILIN apresenta profunda kondolensia ba família enlutada.
Deskansa Em Paz kamarada Saudoso isin mak laek ona, maibe memoria sei moris nafatin.
Nunee mos pajina offisial Comite 12 de Novembru dehan, Orgaun Diretiva Nasional, Estrutura no membrus C12N hatoo profundas sentidus kondolensias ba matebian nia família tomak enlutada, nomos husu atu família matebian nian iha forsa no korajen nafatin bele simu realidade moruk nee.
Fila ona ba Aman Maromak nia kadunan santu sobrevivente masakre Santa Cruz, 12 Novembru 1991, Saudozu Kombatente da Libertasaun Nasional, Juventude Lorico Asuwain, Marito Mota iha loron 28 Abril 2026, Dili.
(dom)
