DILI, STLTIMORLESTE.com – Padre Richardo Pasang SVD, hatete, ohin Igreja Katolika selebra Festa Santo Matias Apostolu.
Padre Richardo Pasang, SVD ba STL Kinta nee (14/05/2026) hatete, ohin Selebra Festa Santo Matias Apostolu. Kis 1:15-17, 20-26; Joh 15:9-17.
Padre dehan, Premeiru Hili, Laos Tanba Perfeitu, Matias laos konesidu molok loron nee. Nia deit mensiona hanesan ema ida husi nain 120 neebe fiel tuir Jesus desde batizmu João nian. La iha milagre, la iha historia boot neebe hakerek kona-ba nia naran. Maibe loron nee, iha Kis 1, apostolu sira hili ho sorte entre Jose Barsabas no Matias. No sorte monu ba Matias.
“Signifikadu ba ita, Maromak bolu ema Ida la hein o sai “ema boot”. Igreja dahuluk la buka kandidatu perfeitu, maibe ema neebe fiel akompana ou Lao tuir Jesus iha susar no ksolok Nia laran. O bele sente katak baibain deit, la iha talentu boot ou extraordinary. Maibe karik o fiel ohin loron, o iha posibilidade atu Maromak uza Ita sai nia Liman ain Matias hanorin ita, Fidelidade iha nonok importante Liu duke popularidade momental,” dehan Padre Richardo.
Segundu “Laos Imi Mak Hili Hau, Maibe Hau Mak Hili Imi” Evanjellu Joh 15:16 mak xave festa ohin loron nian. Matias hili ho sorte husi ema, maibe sorte nee mai husi divina providensia Maromak nian. Jezus hili ona nia desde uluk.
Padre haktuir tan katak Jesus mos dehan “Hau hili imi atu imi ba no fo fuan, no imi-nia fuan nee hela.” Matias nia fuan la hakerek iha istoria boot, maibe tradisaun hatete nia haklaken Evanjellu too mate sai martir iha Etiopia.
Signifikadu ba ema dalabarak interese atu fo fuan boot. Maibe Jesus husu ema Nia fuan neebe hela. Fuan neebe hela mak domin neebe tahan, fidelidade neebe la mate, perdão neebe repete beibeik. Pergunta loos, Fuan saida mak o produz ohin loron? Fuan neebe sei lakon aban, ka fuan neebe hela iha ema seluk nia fuan?.
“Domin nuudar Kondisaun no bele fo Fuan, Jesus hatoo hotu iha liafuan ida “Hela iha Hau-nia domin laran.” Joh 15:9 Domin laos premiu ba ema boot. Domin mak uma fatin ba ita hela. Husi liur domin, servisu sai todan. Iha laran domin, sakrifísiu sai kmaan. Matias bele simu Nai nia bolu derepente atu troka Judas tanba nia hela ona iha Jesus nia domin laran. Nia la tauk, la rejeita. Nia prontu. Ba ita-nia moris ohin loron, Molok o prekupa servisu, haree uluk o sei hela ka lae iha Nia domin laran? Orasaun minutu 10, konfisaun dala ida, hadame ho ema neebe halo o susar ida nee mak dalan atu hela iha domin laran,” katak Pe.
Bibi atan Kreda Katolika nee dehan Festa Santo Matias hanoin ema iha Igreja, laiha ema neebe Maromak husik hela. Hotu-hotu Nia bolu. Hotu-hotu folin. Hotu-hotu haruka sai misionaris hodi haklaken Nai haraik bensa.
(eme)
