DILI, STLTIMORLESTE.com – Bainhira eskola hirak neebe too agora sei menus manorin, mak husu halo pedidu ba iha Servisu Eduksaun Munisipiu (SEM) Liquiça, ho nunee submete ba ME nasional.
Julio da Silva nuudar Diretor Servisu Edukasaun Munisipiu Liquiça hatoo asuntu nee liu husi telefoni Sesta nee (19/06/2026) katak, agora daudaun SEM Liquiça foin simu pedidu mai husi EBC ida neebe husu apoiu manorin sei menus, tanba durante nee iha EBC refere profesores ba materia balun sei menus, maibe karik iha eskola seluk neebe sei menus manorin, husu sira presiza halo pedidu mai SEM.
“Agora nee eskola sira mak halo jestaun balun laiha, ita iha eskola ida deit mak provizoriu profesor laiha, eskola sira mak taka hela, nee EBC ida, profesores ba materia fizika, mate-matika sei menus, nee duni buka hela profesores balun akompanha hanorin estudantes sira iha EBC refere,” nia informa.
Julio hatutan, nee duni parte SEM seidauk halo kofirmasaun ho eskola seluk, liga ba manorin neebe hanorin iha eskola, tanba iha EBC ida mak foin halo pedidu mai, husi eskola mak sei halo pedidu mai, para SEM bele submete ba iha nasional.
“Ita nian pedidu mai husi eskola sira nee, ita hatama ona iha ME nasional, maibe ita hatene katak agora kolokasaun bolsa kandidatu laiha ona,” nia dehan.
(jac)
