DILI, STLTIMORLESTE.com – Bolsa kandidatu profesores neebe mak hanorin iha eskola sira Munisipiu Ainaro husu atu muda fatin hanorin, husi postu administrativu ida ba fali postu administrativu seluk.
Kestaun nee hatoo husi Direitor Servisu Edukasaun Munisipiu Ainaro, Patricio da Costa Magno ba STL liu husi telefone, Kinta nee (25/06/2026).
Patricio dehan, profesores balun mak husu atu muda fatin husi postu ida ba postu seluk, neebe mak iha Munisipiu Ainaro nian laran mak husu muda, nee duni sira idak-idak ba fali iha sira nian postu administrativu, maibe munisipiu seluk nee iha tinan kotuk mak iha, maibe too agora ida nee seidauk iha.
“Los duni katak, durante nee profesores balun husu atu muda fatin hanorin iha eskola, maibe ida nee sira nain mak tenke halo karta ba ME, nee tenke halo karta ba iha ME, hanesan husi postu ida ba fali postu seluk, tanba nee iha profesores nain ualu mak husu muda ona fatin, maibe nee iha postu Administrativu Ainaro laran deit,” dehan nia.
Nia dehan, bolsa kandidatu neebe mak husi ME koloka mai ona nee balun hanorin iha pre eskolar, ensinu baziku, Sekundáriu no tekniku vokasional, nee duni sira ida-idak hanorin tuir duni eskola neebe mak husi ME koloka ona sira, tanba nee profesores nee balun hanorin iha eskola area remotas no balun mak hanorin iha Ainaro Vila.
“Bainhira sira enfrenta difikuldade ruma, nee sira sempre hatoo mai ami, nunee ami bele relata ba iha parte nasional para bele rezolve, tanba ita nian bolsa kandidatu neebe mak koloka mai nee loos husi Munisípiu Ainaro deit lae, nee balun mai husi munisípiu seluk, tanba ita nian bolsa kandidatu hirak nee husi ME mak koloka mai iha ita nian eskola,” nia esplika.
Iha parte ketak, Diretor Servisu Edukasaun Munisipiu Bobonaro, Miguel Freitas dehan, parte husi SEM Bobonaro nafatin halo identifikasaun ba iha eskola sira.hodi haree bolsa kandidatu aluga uma no hirak neebe mak atu muda fatin hanorin husi fatin ida ba fali fatin seluk, konaba sira nian alojamentu, ninia parte lakohi fo komentariu, tanba nee laos SEM nian kompetensia, maibe ida nee husi ME nasional ninia.
(jac)
