DILI, STLTIMORLESTE.com – Hospital Nasional Guido Valadares (HNGV) selebra aniversariu bá dala XXIII, ho idade neebe joven no produtivu hasoru servisu dezafiu sira.
Selebrasaun aniversariu halao uluk ho misa agradesimentu.
Hospital Nasional Guidu Valadares (HNGV) bá dala XXIII, hahu uluk ho misa agradesimentu iha Kapela Nossa Senhora de Lourdes.
Liu husi omilia Padre selebrante Lusio Norberto de Deus hatete, servisu nuudar infermeira, doutor/a, parteira halao servisu ho dezafiu sira, tanba nee presiza halao ho carinho no pasiensia. Servisu hotu nuudar vokasaun neebe Nai Maromak haraik bá ema ida-idak, neebe tenke halao ho carinho no laran luak.
Nia hatete, infermeiru, doutor/a, parteira no hotu-hotu neebe servisu iha HNGV nee lao ona ho idade joven no tama ona bá idade produtivu.
“Ho lema aniversariu bá tinan ida nee “Servisu ho Konsiensia, Avansa ho Siensia, Forte no Unidade”. Lema ida nee furak maibe dezafia mos ita hotu. Saude sai sorotan, nee dezafiu. Birokrasia labele sai obstaktu bá servisu saude nian,” dehan amu liu husi omilia, iha Kapela Nossa Senhora de Lourdes HNGV, Segunda (29/06/2026).
Depois misa agradesimentu nee, HNGV kontínua ho serimonia aniversariu nian.* Notisia kompletu lee iha jornal STL edisaun Tersa (30/06/2026).
(dom)
