DILI, STLTIMORLESTE.com – Ministeriu Saúde (MS) hamutuk ho parseiru World Health Organization (WHO) realiza workshop konaba Dijitalizasaun Imunizasaun E-Tracker, sei destaka progresu neebe halo iha mudansa husi manual ba rejistu dijital.
Diretora Saúde Materna Infantil iha Ministeriu Saúde (MS), Madalena da Costa Pinto Gomes dehan, Timor Leste (TL) foti pasu importante ida ba dijitalizasaun imunizasaun nian ho introdusaun eTracker imunizasaun nian iha Maiu tinan 2026. Pilotu ida nee halao iha Postu Administrativu Comoro, inisiativa nee treina ona vasinadór sira iha fasilidade saude 12 konaba utilizasaun eTracker nian.
“Workshop nee koalia konaba programa imunizasaun E-Tracker nian, baibain ita implementa iha servisu fatin mak ita sei uza surat tahan ba rejistu, no ba servisu neebe liga ho imunizasaun nian ita sei surat tahan, nee duni ita imuivazasaun E-Tracker Imunizasaun, sei fo oportunidade ba ita hotu para atu redus uza surat tahan,” hatete Diretora Saúde Materna Infantil iha Ministeriu Saúde (MS), Madalena da Costa Pinto Gomes ba jornalista sira iha ambitu workshop Imunizasaun E-Tracker Pilotu iha salaun Hotel Novu Turizmu, Tersa (30/06/2026).
Nia esplika, sei destaka progresu neebe halo iha mudansa husi manual ba rejistu dijital, inklui melhoria iha kualidade dadus, kompletu no oportunidade, no diskute oinsa esperiensia ida nee bele apoia espansaun dijital neebe luan liu ba programa imunizasaun.
(jen)
