DILI, STLTIMORLESTE.com – Eskola CAFÉ Maliana hahu no realiza ona ezame segundu periodu ba tinan akademiku 2026 ho diak, tanba alunus sira respeita regras no pontual.
Kalendariu ezame husi Escola CAFÉ la hanesan ho eskola sira seluk, tanba nee eskola nee hahu ona sira nia ezame segundu periodu iha loron Segunda (29/06/2026) no sei remata iha (06/07/2026).
Profesora CAFÉ Maliana, Agusta da Cunha Coimali hatete, Escola CAFÉ Maliana hahu husi Pre Escolar tinan 4 too tinan 5, 1º ciclo too 3º, nunee mos too sekundariu realiza ezame segundu periodu iha Segunda (29/06/2026) no sei hotu iha loron Sesta (03/07/2026). Entretantu ba Pre Eskolar too 3º ciclo no ba secundariu sei remata iha loron Segunda (06/07/2026).
Nia dehan, sistema edukasaun eskola CAFÉ lao tuir edukasaun Timor Leste nian, so kalendariu deit mak la hanesan.
“Sistema Eskola CAFÉ nian tuir edukasaun TL, soke kalendariu mak la hanesan ho eskola seluk, tanba nee ami sempre ezame uluk,” dehan nia ba STL via telefone, Kuarta (01/07/2026).
Profesora nee hatutan, hahu iha loron primeiru ezame situasaun lao ho diak no alunus sira respeita regras no pontual.
Orariu ba ezame segundu periodu nee nian ba 1º ciclo iha loron Segunda mak lian português ho relijiaun moral, Tersa siensia sosiais ho arte cultura, Kuarta matematika ho tetum, Kinta siensia naturais ho saude. Orariu ba 2º ciclo iha Segunda lingua português ho relijiaun moral, Tersa siensia sosiais no arte cultura, Kuarta matematika no edukasaun fizika, Kinta siensia naturais no saude no Sesta disiplina ida deit mak tetum. Ba 3º ciclo setimu ano iha Segunda lingua português no siensia naturais, Tersa matematika ho relijiaun moral, Kuarta lingua português no arte cultura, Kinta lingua tetum no saude, Sesta fraternizasaun no edukasaun fisika. Ba oitavo ano iha Segunda matematika no lingua tetum, Tersa lingua português no e.art, Kuarta CFN no CVT, Kinta H/G no ECCDH no Sesta LI, RM no REU. Ba nunu ano iha Segunda matematika no lingua tetum, Tersa lingua portugues no E.Art, Kuarta CFN no CVT, Kinta H/G no ECCDH, Sesta LI, RM no ed.fisika, ba grupu B iha Segunda lp no tm, Tersa fisika no rm, Kuarta
matematika no li, Kinta kimika no lt, Sesta biolojia no malaio.
Ba Sekundariu CT desimu ano too desimu segundu ano A, iha Segunda LP no TM, Tersa fisika no RM, Kuarta matematika no lingua ingles, Kinta kimika no lingua tetum, Sesta biologia no malaio, Segunda geologia, cds no ed.fisika. Entertantu ba CSH iha Segunda lp no tm, Tersa EMQ no RM, Kuarta sosiologia no li, Kinta historia no lingua tetum, Sesta TLC no malaio, Segunda geografia, cds no ed. Fisika.
Nunee mos inan husi Estudante Eskola CAFÉ Dili, Clarinha da Costa R, hatete, eskola CAFÉ hahu tiha ona ezame segundu iha Segunda liu ba, tanba neemak inan aman sira tenke akompana oan sira hodi estuda iha uma ho diak. Ba sira neebe eskola iha pre-eskolar nian, inan aman sira lor-loron sempre akompana too ezame ida nee, tanba oan sira nia estudu nee importante ba sira nia futuru no ba nasaun ida nee.
Hau nia oan nain 4 eskola hotu iha eskola CAFÉ Taibesi, lor-loron hau ho sira nia aman sempre troka malu lori no akompana sira ba eskola, too eskola sai ba foti fali sira. Too iha uma akompana fali sira halo kedas trabalho casa neebe profesora sira fo, mak foin sira halimar. Nunee too tama izam nee tenke prepara sira nia lapizera, lapis, no sasan seluk hodi tuir izame nee ho diak, dehan nia.
Nia katak, eskola CAFÉ nia kalndariu la hanesan ho eskola seluk, neebe sira izame uluk ona. Bainhira eskola seluk hahu izame, sira feriadu fali ona hodi tama fali ba material terseiru periodu nian.
Nunee mos estudante CAFÉ oitavo ano, Marsia Correia hatete, izame tama loron tolu nee lao ho diak hotu. Estudante sira hotu tuir ho diak, no sempre kumpri regras no pontual sira.
Hau pesoal, prepara aan ho diak hodi tuir izame segundu periodu nian nee. Tanba antes nee hau mos estuda materia sira neebe profesora sira fo iha prosesu aprendizajen nian, dehan nia.
(dom)
