DILI, STLTIMORLESTE.com – Ministeriu Koordenador Asuntu Ekonomiku (MKAE) liu husi Institutu Kualidade Timor Leste, Institutu Publiku (IQTL, I.P) lansa fatuk dahuluk ba iha konstrusaun laboratoriu ai-haan no bebidas (Food and Beverages) iha Bebora.
Lansa Fatuk dahuluk nee Koordenador Jeral MKAE, Jorge Rui de Carvalho Martins akompanha husi Prezidente IQTL, Izilda Manuela da Luz Pereira Soares no Dirijente sira husi Institutu Publiku no Empreza Publiku no bensa ba rai husi Padre Augosto de Sa.
Objetivu husi laboratoriu nee hodi asegura no halo teste ba ai-haan no bebidas katak produtu sira neebe distribui iha merkadu nasional seguru ba konsumidor no kumpri padraun no regulamentu sira.
Projeitu kontrusaun ba laboratoriu nee konstrui husi kompanhia Regulesleo Unipessoal Lda, ho osan montante ba konstrusaun US$ 98.643,00, ho durasaun fulan neen finaliza ona.
“Ita halo salaun foun ba instrumentu sira neebe iha ona laboratoriu ba teste ai-haan no bebidas nian, ema sempre husu perguntas tanba saida mak laboratoriu nafatin ai-haan no bebidas, maibe iha diferensia ninia objetivu husi sira nee laboratoriu AIFAESA harii halo kontrolu ba falhansu ka violasaun sira neebe akontese iha ita nia produtu sira ligadu ho ai-haan bebidas neebe iha, maibe laboratoriu husi IQTL harii atu fo sertifikasaun no akreditasaun ba ai-haan no bebidas sira tama iha merkadu,” hatete Koordenador Jeral MKAE, Jorge Rui de Carvalho Matins ba Jornalista sira iha Edisfiu IQTL Bebora, Sesta (3/07/2026).
Nia dehan, laboratoriu nee kona ba kontaminasaun ho materia iha asosiasaun ho moras neebe kauza husi hahan sira, para labele kabur ho sasan sira iha kontrolu ba kualidade no kuantidade ai-han sira neebe tama iha merkadu ida.
Tanba iha instrumentu no konkordansia ho ajensia lubuk Internasional para fo apoiu ba IQTL atu haree laboratoriu kalibrasaun metrolojia para iha instrumentu kompletu, balun tau hela iha liur, maibe seidauk iha sala, tanba buka nafatin maneiras oin-oin suporta para iha sala propiu instrumentu tau hahu ona halo teste ba kualidade ai-haan no bebidas sira neebe atu tama iha merkadu.
Tanba iha fatin propiu atu hetan sertifikadu no akreditasaun hodi halo testu ba produtu sira neebé importa ba liur, espera hotu lalais hodi halo teste sem manda ita nia sampel ba liur depois halo teste.
Nia dehan, konaba rekursu tekniku sira kompletu, maibe sira presiza salaun atu para foku hodi halo servisu, tanba durante nee setor privadu foti sampel maibe teste iha rai liur, maibe lansa fatuk dahuluk nee bele finaliza lalais para bele halo teste iha produtu hodi esporta ba rai liur.
Iha fatin hanesan, Prezidente IQTL, Izilda Manuela da Luz P. Soares hatete, estadu apoiu ba tinan ida nee halo labotoriu ba ai-haan no bebidas, tanba importante tebes atu proteje hahan sira neebé iha merkadu.
Entretantu Diretór Kompanhia Regulesleo Unipessoal Lda, Julrionobio Maria da Silva hatete, “ami garante katak konstrusaun laboratoriu nee sei termina iha fulan nee ami kumpri, atu nunee labele liu husi diresaun neebe IQTL fo ona nee,” dehan nian.
Tanba nee antes fulan neen Kompanhia entrega obra ba iha IQTL tuir data asina kontratu nee.
(joa)
