DILI, STLTIMORLESTE.com – Atu motiva funsionariu sira hodi sai produtivu liu tan, mantein talentu no kria ambiente servisu neebe pozitivu. Diretor Ezekutivu no Membru Konselhu Diretiva Hospital Nasional Guido Valadares (HNGV) fahe apresiasaun ba funsionariu no sala enfermaria ezemplar nomos manan nain kompetisaun jogu.
Apresiasaun nee fahe relasiona ho loron aniversariu HNGV ba dala 23 neebe realiza tiha ona iha loron Segunda (29/06/20260 ho objetivu atu motiva funsionariu sira atu sai produtivu liutan, mantein talentu no kria ambiente serbisu neebe pozitivu.
Atividade nee realiza depois remata serimonia isar bandeira iha resintu HNGV, Segunda (06/07/2026).
Diretur Ezekutivu HNGV, Nuno Vital Soares, hamutuk ho Membru Konsellu Diretiva fahe apresiasaun ba funsionario HNGV servisu ezemplar hamutuk ema nain 18 kompostu husi mediku espesialista, mediku jeral, kordenadora/a, xefe de ekipa enfermaria, enfermeira, parteira, asistente enfermajem, tekniku radiologia, analista, farmaceutiku, patologia, nutricionista, tekniku fisioterapia, tekniku administrasaun, tekniku engenaria, tekniku logistiku, serguransa no servisu limpeza.
Nunee fo apresiasaun mos ba enfermaria HNGV (Unidade) ezemplar mak hanesan unidade pediatria, obstetricia, emerjensia no pulmo TB.
Iha biban nee Diretur Ezekutivu HNGV, Nuno Vital Soares dehan, apresiasaun nee ho objetivu atu motiva liutan servisu fungsionariu no mediku iha HNGV nian tu sai produtivu liutan.
Iha biban nee distribui mos premio ba manan nain kompetisaun apresentasaun kazu kliniku no jogos desportu maka hanesan futsal, volleybol no dada tali ho modalidade ba mane no feto.
Nunee mos Inspetora da Serimonia isar bandeira, atual Diretora Enfermajem no Parteira HNGV, Maximiana Libania S. Ferrão, liu husi nia diskursu hatete, “hau nia diskursu ba ohin loron nian hau foti lema ida hateten “Sai Profisional Saude HNGV neebe diak hodi fo asistensia saude ho kualidade as ba pasiente sira no uza etika komunikasaun neebe diak no dignu hodi servi”. Lema ida nee atu fo hanoin mai ita hotu neebe halao knar iha ospital ida nee atu hadia etika komunikasaun ho pasiente, familia pasiente nomos funsionariu HNGV tanba etika komunikasaun hanesan meus terapeútiku ida bele kontribui ona ba rekoperasaun pasiente nia moras,” dehan nia.
Nia haktuir, komunikasaun neebe diak maka hasae satisfasaun husi familia pasiente mai pesoal saude sira hodi bele iha kolaborasaun servisu neebe diak liu iha parte melhoramentu kualidade ba pasiente. Profisionais saude neebe halo knar iha HNGV tenke tau perioridade ba volores importante mak hanesan exelencia iha servisu, komprimisu, kompaisaun no koñesimentu.
Nia haktuir, husi valores nee naksulik mai profisionais saude hotu atu kumpri no ezerse hanesan funsionariu neebe organizadu liu husi pontualidade, uniforme, atendimentu pasiente ho fuan no abnegasaun.
Diretora nee apela ba pesoal saude sira atu uza nafatin pontus 10 neebe hakerek ona iha kodigu etika no konduta HNGV nian kona ba maneira etika komunikasaun.
Nia husu ba kargus xefia sira atu voloriza ida-idak nia departamentu no unidade hodi mantein kolaborasaun servisu diak entre departamentu no unidade liu husi kontrola staf, nunee bele fo asistensia ho kualidade ba pasiente sira.
Tuir Pasiente Anastasia Lei hatete, apresiasaun nee mos importante duni, hodi halo ba ema sira neebe servisu iha ospital no klinika sira. Tanba liu husi apresiasaun neemak bele motivu liutan sira hodi halo servisu no servi ema moras sira ho diak iha hospital nee.
(dom)
