DILI, STLTIMORLESTE.com – Sekretariu Estadu Kooperativa (SECoop) komemora loron mundial kooperativa ho seminariu nasional ho tema “Hametin Movimentu Kooperativa Nuudar Pilar ba Dezenvolvimentu Ekonomia Nasional iha Timor Leste”.
Sekretáriu Estadu Kooperativa, Arsenio Pereira da Silva dehan, loron mundial kooperativa, loron importante ida nee rekonhese kontribuisaun boot husi movimentu kooperativa ba dezenvolvimentu ekonomiku sosial no umanu iha mundu tomak.
Sekretariu Estadu Kooperativa hatete, iha ambitu komemora loron mundial kooperativa iha mundu tomak selebra loron kooperativa nian, maibe iha nasaun ida iha ninia atividade oin-oin, balun halo espozisaun kuda ai oan, balun seminariu no seluk tan halo iha idak-idak nia nasaun.
“Iha TL ita selebra mundial ho atividade seminariu nasional ho tema hametin movimentu Kooperativa nuudar pilar ba dezenvolvimentu ekonomia nasional iha Timor Leste nomos esplay ba produtu kooperativa neebé iha nee aban selebrasaun nee fahe premiu ba membru Kooperativas sira,” hatete Sekretáriu Estadu Kooperativa (SECoop), Arsenio Pereira da Silva ba jornalista sira iha Delta Nova, Segunda (06/07/2026).
Tema nee konvida ema hotu atu hametin unidade servisu hamutuk, tanba uza kooperativa hanesan dalan hodi harii dame, solidariedade no hamoris
Setor Kooperativa diak ba ema hotu.
Loron nee importante tanba hodi halao atividade ida nee para ema hotu nia partisipasaun, tanba kooperativa laos hamriik mesak, maibe setor privadu setor kooperativa sai hanesan pilar ekonomia iha rai laran.
Tanba nee iha programa IX Governu tau importansia membru Kooperativas sira, hodi fasilita formasaun kapasitasaun oinsa apoiu sira lori produtu ba iha merkadu.
“Ita bele diferente maibe ita bele servisu hamutuk, bele iha problema maibe buka solusaun hamutuk, ita bele rekursu kiik maibe ho unidade bele alkansa rezultadu boot,” hatete nia.
Orador ba seminariu husi Federasaun nomos akademiku.
Setor kooperativa nee importante tanba neebe mak halao atividade hotu-hotu nia partisipasaun.
(joa)
