DILI, STLTIMORLESTE.com – Maizumenus iha tuku 06:00 madrugada, konfrontus entre grupu rua mak hanesan Adeptus Portugal no Adeptus Espana tuda malu hodi rezulta kareta vidru rahun no motor rahun, depois Polísia Nasional Timor Leste (PNTL) kaptura ona suspeitu ho insial FS.
Komandante Polísia Nasional Timor Leste (PNTL) Munisípiu Dili, Komisáriu Asisténte Polísia Orlando Gomes hatete,.dader madrugada tuku 06:00 kontese grupu rua tuda malu, tanba adeptus sira asiste jogu Portugal ho Espana, depois jogu remata mak foin akontese tuda malu no rezulta kareta mutin ida vidru parte kondutor ninia rahun.
“Ita haree kareta Gery ho motor iha Diler Aitarak Laran mak fatuk kona hodi rahun nee, iha momentu nee kadas ita nia patrulhamentu Dom Alexo nia tun kedas no kaptura suspeitu nain ida ho inisial FS mai sela hodi kontinua prosesu Investigasaun, ita lori kedas vitima ho naran Ferderico Fernandes mai iha Dom Alexo kontinua halo prosesu,” hatete Komandante Polísia Nasional Timor Leste (PNTL) Munisípiu Dili, Komisáriu Asisténte Polísia Orlando Gomes ba jornalista sira iha nia knaar fatin Eskuadra Dom Alexo Dili, Tersa (07/07/2026).
Nia tenik, iha akontesimentu nee vitima ho suspeitu lori ba Dom Alexo maibe iha momentu nee kadas Vitima Ferderico Fernandes lakohi halo keixa hasoru suspeitu no rezolve tuir familia.
“Maibe husi Polísia kontinua nafatin halo prosesu normal ba Ministeriu Publiku, tanba nee husi investigasaun halo hela prosesu depois mak ita halo NUC ninian,” nia Informa.
Nia koalia, suspeitu PNTL kaptura hatama kedas ba sela, maibe vitima too mai sira nain rua rezolve kedas tuir familia ninian, tanba nee sira konkorda malu halo karta no PNTL liberta fali suspeitu.
“Evidensia kareta Gery no motor neebe rahun ita hasai foto no ita sei halo investigasaun tuir evidensia neebe ita iha,” nia deklara.
(jen)
