DILI, STLTIMORLESTE.com – Durante nee subsidiu transporte ba kargu xefia no profesores sira lao normal hanesan baibain, tanba osan refere tama dala ida ho salariu kada fulan.
Gabinete Apoiu Tekniku (GAT), EBC Manleuana, Narcisio P. S. V. da Costa ba STL iha nia knaar fatin, Kuarta nee (08/07/2026) hatete, subsidiu transporte durante nee lao diak hela, tanba subsidiu ida nee ba kargu xefia sira hetan 75 US$.
“Durante ami asume kargu hanesan GAT, subsidiu transporte nee lao hela, ami hetan US$ 75, nee duni osan nee tama ho salariu, nee duni ami nian subsidiu transporte nian nee lao diak hanesan baibain, ami nian profesores sira hetan US$ 25, ami neebe asume kargu nee mak US$ 75,” dehan nia.
Iha fatin hanesan, Diretor EBC Manleuana, Carlos Correia dehan, subsidiu transporte ba profesores sira nee US$ 25, durante nee subsidiu transporte lao diak hela, bolsa kandidatu profesores nain 8 foin dadaun nee sira nian salariu no subsidiu nee lao hotu.
“Konaba subsidiu transporte ami rua adjuntu nian nee US$ 75, nee por mes, depois salariu mos lao diak hela, maibe iha momentu fulan Janeiru mai too iha fulan Fevereru, Marsu nee maka halo mudansa ba iha kargu xefia, sira neebe mate troka fali Koordenador nee mak halo mudansa ba iha nee ba, no iha fulan Abril nee mak sira hahu selu, tanba nee ba subsidiu ida nee laiha problema,” nia deklara.
(jac)
