DILI, STLTIMORLESTE.com – Servisu Gabinete Apoiu Tekniku (GAT) husi Ensinu Baziku Central (EBC) Manleuana, garante Estabelesimentu Integradu Ensinu Baziku (EIEB) tomak.
Haktuir Gabinete Apoiu Tekniku (GAT), EBC Manleuana, Narcisio P.S.V.da Costa ba jornalista STL iha nia knaar fatin, Kinta nee (09/07/2026).
“Servisu Gabinete Apoiu Tekniku garante apoiu ba EIEB tomak iha area sira hanesan planeamentu, jestaun finanseira, rekursu umanu, patrimoniu no lojistika. Nia mos responsavel ba jestaun programa sira asaun sosial eskolar nian no dezenvolvimentu ba teknolojia informasaun Sira. Gabinete Apoiu Tekniku (GAT) husi Ensinu Baziku Central (EBC) Manleuana hatama dadus fornesedor iha Ensinu Baziku Central (EBC) Manleuana,” nia informa.
Nia dehan, GAT halo levantamentu osan iha banku no fila mai halo enkontru ho koordenador sira depois fahe osan konsesaun eskolar no merenda eskolar sira ba koordenador eskola fillial sira. GAT halo levantamentu osan merenda eskolar nian kada semana ida dala Ida. No GAT halo levantamentu osan konsesaun eskolar nian kada periodu tinan ida iha periodu 3.
“Knaar no kompetensia GAT nian mak halo planu, konsesaun eskolar no relatoriu konsesaun eskolar no mos relatoriu merenda eskolar, nomos dadus ita nian estudantes sira nian, dadus profesores ho tan dadus fornesedores. No kontrola merenda eskolar iha eskola filial no haree mos ba fasilidade eskola nian,” dehan nia.
Nia hatutan, servisu Gabinete Apoiu Tekniku (GAT) husi Ensinu Baziku Central (EBC) Manleuana garante EIEB tomak, hanesan iha area sira planuamentu no seluk tan.
“Servisu Gabinete Apoiu Tekniku garante apoiu ba EIEB tomak iha area sira hanesan planeamentu, jestaun finanseira, rekursu umanu, patrimoniu no lojistika. Nia mos responsável ba jestaun programa Sira asaun sosial eskolar nian no dezenvolvimentu ba teknolojia informasaun Sira,” nia katak.
Nunee mos Diretor EBC Manleuana, Carlos Correia hatete, durante nee GAT sempre halo lina koordenasaun neebe mak diak ho eskola filial sira, liu-liu iha implementasaun programa merenda eskolar, konsesaun eskolar no seluk tan, nunee mos responsavel ba iha jestaun programa hirak neebe mak lao iha eskola sira.
(jac)
