DILI, STLTIMORLESTE.com – Gabinte Apoiu Tekniku (GAT) husi Ensinu Baziku Central (EBC) Manleuana hatama ona dadus fornesedor hamutuk 21 ba Srvisu Edukasaun Munisipiu Dili.
Asuntu nee haktuir husi Gabinete Apoiu Tekniku (GAT), EBC Manleuana, Narcisio P.S.V. da Costa ba STL iha nia knar fatin, Sesta nee (10/07/2026).
“Progresu servisu nian mak hanesan halo relatoriu konsesaun eskolar nian nee ba hatama iha Edukasaun Munisipiu Dili nomos halo relatoriu merenda eskolar nian nee ba hatama iha Edukasaun Munisipiu Dili halo mudansa ba reparasaun manutensaun ba eskola sira kontrola merenda eskolar husi sentru too fillial sira, kontrola fornesedor,” nia deklaran
Nia dehan, sira tein tuir menu neebe prepara ona. Kontrola material konsesaun eskolar nian nee tenki lao ho diak no tuir planu neebe iha ona. Kontrola fornesedor sira tenke uza avental molok prepara merenda eskolar ba estudantes sira. Dadus fornesedores sentru ho fillial hamutuk 21 pessoas, depois halo sumariu jeral ba orsamentu merenda eskolar nian.
“Depos sei halo cash book merenda sskolar nian, halo kompensasaun ba membru kuzineira no servidor ka servidora sira, ida nee mak durante nee hau sempre halo, ita nafatin koordena servisu ho ita nian fornesedor neebe mak prepara ona ai-haan ba ita nian estudantes sira, menu neebe uza nee tenke tuir dalan,” nia haktuir.
Iha fatin seluk, Koordenador EBF Fatumeta, Jose Manuel Guterres dehan, agora daudaun GAT sira tuir hela treibamentu, tuir informasaun katak osan tama ona iha konta bankaria eskola nian, maibe depois mak haruka GAT cek hodi ba foti osan programa merenda eskolar ninia nee iha banku, atu nunee bele foti osan ida nee, estudantes sira bele asesu ba programa refere.
“Ita nian dadus ano letivu foun nee atus sia rua nolu resin ualu mak asesu ba iha programa merenda eskolar ida nee, maibe bazeia ba han nee, menu nee sira fornesedor mak planu, servisu hamutuk ho GAT, menu nee tanba bazeia ba planu GAT ho fornesedor sira nian planu, atu nunee menu nee bele troka hela deit, labele ida nee hela deit, maibe presiza troka menu nee para estudantes sira iha vontade atu han,” nia haktuir.
(jac)
