DILI, STLTIMORLESTE.com – Iha Segunda nee (13/07), haleu tuku 13:00, ahi han uma hamutuk 12 iha eis merkadu Comoro, Dili.
Vitima insendiu, Valdimiro Ximenes konta katak, iha loron Domingu (12/06) haleu tuku 11:00, tekniku husi EDTL mai halo manutensaun ba eletrisidade iha oituan nee, tanba iha uma kain balun neebe labele asesu ba eletrisidade.
Tuir nia, ahi han uma nee tanba kauza husi fiu neebe tekniku sira husi EDTL hadia iha loron Domingu (12/07).
“Horiseik sira mai hadia, uma sorin nee lakan no uma sorin nee la lakan maibe nusa ohin ahi lakan derepente husi leten tun mai,” hatete vitima Valdimiro Ximenes ba jornalista sira iha eis Merkadu Comoro, Segunda (13/07/2026).
Nia hatutan, insendiu neebe akontese kuaze sasan iha uma laran nunka salva ida, tanba halai husi servisu fatin too uma ahi han hotu ona sasan sira iha uma laran.
“Sasan uma laran nein aproveita ida, ropa mos nein hasai tahan ida, sura hamutuk bele lakon too rihun US$12 no rihun US$ 13 hanesan nee,” nia hakotu.
(alb)
