DILI, STLTIMORLESTE.com – Empreza Japoneza KANSEI no CWP GLOBAL entrega viatura limpeza alta presaun no aspirasaun saneamentu ba Sentru Nasional ba Empregu no Formasaun Profisional (CNEFP) Tibar.
Diretor Sentru Nasional ba Empregu no Formasaun Profisional (CNEFP), Jose Simao Tito Bareto liu husi diskursu iha Palasiu Prezidensial Nicolau Lobato, Bairo Pite, Tersa (14/07/2026) hatete, sente ondradu tebes iha dader ida nee iha okaziaun ida neebe Prezidente Republika Jose Ramos Horta laran luak fo fatin hodi entrega viatura husi Empreza Kansei ba CNEFP.
“Biban ida mak ita nia parseria, ita nia Governu rua servisu hamutuk hodi fo biban ba sentru hodi involve ita nia joven sir aba partisipa formasaun iha Japaun, Formador sira ba iha Japaun nomos halo interkambiu entre joven husi Japaun mai sentru Tibar Timor hodi halo halo esperensia voluntariu hodi koinese Timor, ohin Tibar hetan oportunidade hodi hetan apoiu ekipamentu sira neebe ho teknolojia altu, ami nain hira konsege ba hetan intrudusaun balun husi japaun mai ita kontinua nia aplikasaun iha Timor,” dehan Diretor CNEFP.
Diretor dehan, iha dader ida nee mos hetan oportunidade iha tempu oin mai joven sira utiliza ekipamentu altu teknolozia nee bele iha nia efisiensia no efikas no iha kualidade hodi hasae iha nivel hijine nia hodi halo sidade sai mos liu tan.
“Lori naran CNEFP, Timor hakruuk no hatoo agradese wain ba disponiblidade tomak iha dader kmanek ida nee,” katak nia.
Nunee mos Embaixador Japaun iha Timor Leste, Yamamoto Yasushi liu husi nia diskursu hatete, ksolok boot ba partisipante hotu hodi tuir Serimonia entrega veikulu limpeza Saneamentu no Demonstrasaun Teknika.
Embaixador Japaun ba TL hatete, sente haksolok tebes asiste kolaborasaun entre empreza Japoneza KANSEI no CWP GLOBAL no Sentru Nasional ba Empregu no Formasaun Profisional, neebe konesidu ho naran CNEFP. Lansa formalmente iha tinan 2023, parseria ida nee sai hanesan ezemplu konkretu ida husi esforsu hamutuk entre Japaun no Timor-Leste hodi kontribui ba futuru nasaun nian.
Japaun dezenvolve ona teknolojia no perísia klase mundial iha fornesimentu bee, kanalizasaun, no saneamentu. Maski infraestrutura ida nee barak maka seidauk haree, teknolojia ida nee apoia saude publika, protesaun ambiental, ba komunidade sira.
Embaixador Japaun ba TL hatete durante dekada neen liu ba, KANSEI ajuda ona atu mantein padraun aas iha area ida-nee iha Japaun. Ninia ambisaun atu sai nafatin empreza ida neebe sustentavel ba tinan 300 reflete vizaun ida ba tempu naruk no sentidu responsabilidade ida neebe makaas ba sosiedade. Harii husi esperiensia ida-nee, KANSEI no CWP GLOBAL servisu hamutuk ho CNEFP hodi transforma teknolojia no profisionalizmu Japaun nian ba iha kapasidade lokal.
“Sira harii abilidade, hodi kria empregu, no hadia servisu saneamentu iha Timor-Leste, tanba nee, entrega ohin nian laos deit konaba veíkulu no ekipamentu sira ida nee maka investimentu ida ba ema sira neebe sei opera no mantein sira, no iha sistema sira neebe sei serve komunidade sira iha tinan hirak tuir mai,” dehan Embaixador.
Traballador saneamentu sira, tekniku sira, treinador sira, no pesoal manutensaun sira hatudu espiritu ida nee. Sira nia kontribuisaun bele la sempre vizivel, maibe ida nee indispensavel. Sira merese respeitu no orgullu ho papel importante neebe sira halao.
“Ba joven enerjiku sira, abilidade pratika sira bele loke dalan ba empregu neebe estavel, empreendedorizmu, no partisipasaun direta iha nasaun nia progresu. Hodi investe iha abilidade sira hanesan nee, parseria ida-nee mos ajuda ema sira harii sira nia futuru rasik. Inisiativa ida-nee komplementa Japaun nia envolvimentu iha projetu sira hanesan bee no saneamentu nian liuhosi JICA no Embaixada, inklui infraestrutura fornesimentu bee, operasaun no manutensaun utilidade nian. Durante dekada neen liuba, KANSEI ajuda ona atu mantein padraun aas iha area ida-nee iha Japaun. Ninia ambisaun atu sai nafatin empreza ida neebe sustentavel ba tinan 300 reflete vizaun ida ba tempu naruk no sentidu responsabilidade ida neebe makaas ba sosiedade.
“Harii husi esperiensia ida-nee, KANSEI no CWP GLOBAL servisu hamutuk ho CNEFP hodi transforma teknolojia no profisionalizmu Japaun nian ba iha kapasidade lokal. Sira harii abilidade, hodi kria empregu, no hadia servisu saneamentu iha Timor Leste. Tanba nee, entrega ohin nian laos deit kona-ba veíkulu no ekipamentu sira Ida-nee maka investimentu ida ba ema sira neebe sei opera no mantein sira, no iha sistema sira neebe sei serve komunidade sira iha tinan hirak tuirmai. Iha Japaun, ita iha espresaun ida. Ida-nee refere ba sira neebe ho nonook fo apoiu esensial iha kotuk,” katak nia.
Trabalhador saneamentu sira, tekniku sira, treinador sira, no pesoal manutensaun sira hatudu espiritu ida nee. Sira nia kontribuisaun bele la sempre vizivel, maibe ida-nee indispensavel. Sira merese ita-nia respeitu no orgullu ho papel importante neebe sira halao. Ba joven enerjiku sira, abilidade pratika sira bele loke dalan ba empregu neebe estavel, empreendedorizmu, no partisipasaun direta iha nasaun nia progresu. Hodi investe iha abilidade sira hanesan nee, parseria ida nee mos ajuda ema sira harii sira nia futuru rasik.
Nunee mos Diretor Administration Headquaters General Manager, Suzuki Masaji hatutan, konaba kontestu husi doasaun nee no impaktu neebe esperadu husi veikulu rua neebe sira nia kompania fo ona ba Centru Nasional Empregu no Formasaun Profisional (CNEFP-Tibar) iha Timor-Leste.
“Veikulu rua neebe mak ami fo, kompostu hosi Kamiaun Tiru Bee ho Presaun Aas no Kamiaun Supa Tahu Foer. Veikulu sira nee uza atu hasai sedimentu hanesan tahu, rai-henek no bee-foer sira neebe akumula iha kanu bee-foer, kanu udan-been nian, no valeta sira iha estrada ninin, nunee bele normaliza fila-fali kapasidade drainagen hanesan baibain,” dehan nia.
Nia hatutan, sira nia kompania asina Memorandu Entendimentu (MOU) ida ho CNEFP-TIBAR no CWP-GLOBAL hodi promove transferensia teknolojia, dezenvolvimentu rekursu umanu, no kriasaun empregu tha Timor-Leste. Doasaun velkulu sira nee mak inisiativa ida neebe halao tuir MOU ida nee. Hahu iha 2024 ba durante tinan tolu, sira konvida estudante nain rua too nain tolu hosi CNEFP ba Japaun kada tinan. Sira simu formasaun pratika maizumenus fulan rua iha fasilidade formasaun nian, aprende oinsa atu hamoos sintina sira neebe entupidu no kanu drenajen sira neebe entupidu iha dapur restaurante nian, teknika limpeza drenajen sira seluk. Hafoin kompleta formasaun, sira hetan empregu husi CWP-GLOBAL. Tuir mai, funsionariu sira vizita ba Timor-Leste no fornese instrusaun pratika iha fatin, maizumenus fulan ida.
Veikulu sira neebe fo ona sei opera mos hosi funsionariu lokal sira hosi CWP-GLOBAL. funsionariu sira sei hela iha Timor-Leste maizumenus durante fulan rua hodi fornese treinamentu operasional pratiku, uza valeta sira iha estrada ninin no kanu udan been nian neebe lokaliza iha fatin CNEFP nia laran, hodi permite formandu sira atu pratika iha kondisaun serbisu loloos. Hafoin remata formasaun, membru pesoal sira nee sei aplika abilidade neebe sira hetan ona hodi hamoos valeta sira iha estrada ninin no kanu sira udan-been nian iha Dili laran tomak, hein katak programa ida nee sei ajuda dezenvolve profisional lokal sira neebe iha kapasidade atu mantein nafatin infraestrutura drenajen nian iha Timor-Leste, inklui kapital Dil, infraestrutura kanalizasaun bee foer nian iha area barak.
Iha serimonia entrega Veikulu nee partisipa mos husi Prezidente Republika Jose Ramos Horta, Visi Primeiru Ministru Kalbuady Lay, Embaixador Japaun iha Timor Leste nomos partisipante seluk tan.
(eme)
