DILI, STLTIMORLESTE.com – Eis Padre Martinho Gusmão nia kondisaun saude daudaun nee iha mudansa ona, depois mai baixa no halo tratamentu intensivu husi mediku sira iha sala ICU Hospital Nasional Guido Valadares (HNGV) durante semana ida resin.
Familia no alin husi Pasiente Martinho Gusmão, Jaime da Silva hatete, pasiente sente kondisaun la diak mak mai baixa iha dia 1 Julhu nee, iha tuku 07:30 atu ba kalan ona. Fo-foun mai baixa uluk iha sala emerjensia nian, no iha dia 2 mak mediku sira haruka mai baixa fali iha ICU nian hodi hetan tratamentu intensivu. Neebe mai baixa iha nee iha dia 1 Julhu loraik, mai uluk iha sala emerjensia no iha dia 2 mak mai fali iha ICU.
NIa hatete, tanba haree ba nia kondisaun la diak nee mak lori mai baixa iha ICU nee iha dia 2 too ohin loron. Neebe mediku sira halo hela tratamentu intensivu ba nia, nunee nia kondisaun hahu mudansa ona.
Husi dia 2 Julhu mai baixa iha ICU hodi doutor sira halo tratamentu intensivu, neebe mediku sira dehan ba ami familia, pasiente nia kondisaun iha mudansa ona. Atu hatene detalhu liu kona ba nia moras nee so doutor sira mak bele halo esplikasaun. Ami familia so bele koalia deit hanesan nee,” dehan nia ba STL iha HNGV Bidau, Tersa (14/07/2026).
Nia hatutan, antes mai baixa iha nee pasiente sempre mai halo tratamentu iha HNGV. Bainhira nia sente kondisaun la diak, sempre lori mai iha nee.
Iha sorin seluk, mediku sira labele fo komentariu tanba laiha autorizasaun husi HNGV.
(dom)
