DILI, STLTIMORLESTE.com – Komando Polísia Nasional Timor Leste (PNTL) marka prezensa iha Parlamentu Nasional (PN) hodi atualiza situasaun segurabsa ba Komisaun B iha PN.
Inspetor Jerál PNTL, Komisáriu Assistente Polísia Hermenegildo da Cruz hatete, Komando PNTL atuliza situasaun segurasa ba Komisaun B iha Inspetor Jerál PNTL neebe akompanha husi Komandante Operasaun PNTL, Komisáriu Assistente Polísia Armando Monteiro no Komandante Administrasaun PNTL Komisariu Assistente Polisia Arquimino Ramos halo aprezentasaun no atualizasaun konaba situasaun seguransa atual iha territóriu Timor Leste ba deputadu sira husi Komisaun B Parlamentu Nasional neebe responsavel ba area seguransa no defeza.
“Ita aprezenta Inspetor Jerál PNTL esplika, too oras nee situasaun seguransa iha Timor Leste kontinua kontroladu, PNTL nafatin aumenta patrulhamentu, operasaun preventivu no atividade polisiamentu komunitaria nian hodi prevene kriminalidade, responde ba ameasa seguransa no hametin sentimentu seguransa iha komunidade,” nia informa.
Iha oportunidade nee, Inspetor Jerál PNTL reafirma katak, PNTL sei kontinua servisu ho profisional, imparsiál no tuir lei, hodi garante paz, estabilidade no seguransa ba povu Timor Leste.
Inspetor Jerál PNTL mós hateten katak, kooperasaun entre PNTL ho Parlamentu Nasional liu husi Komisaun B importante tebes atu hametin polítika no estratéjia seguransa nasional.
Entretantu Deputadu sira husi Komisaun B Parlamentu Nasional apresia informasaun neebe hatoo husi Komando PNTL no fo hanoin no rekomendasaun atu PNTL kontinua hametin kapasidade institusional, profisionalizmu membru sira no koordenasaun ho instituisaun relevante sira hodi responde efetivamente ba dezafiu seguransa nasional.
Iha enkontru nee demonstra komitmentu hamutuk entre PNTL no Parlamentu Nasional atu kontinua promove boa governasaun iha setor seguransa, hametin konfiansa públika no garante ambiente neebe seguru ba dezenvolvimentu nasional.
(jen)
