DILI, STLTIMORLESTE.com – Ministeriu Saude (MS) sei halo rekrutamentu tan ba pesoal saude hodi reforsa rekursu humanus no fornese atendimentu Saude ba povu iha Timor Leste (TL).
Ministra Saude (MS) Élia A.A. dos Reis Amaral hatete, Governu liu husi Ministeriu Saude sei halo rekrutamentu tan ba pesoal saude hodi reforsa rekursu humanus no fornese esistensia saude ba pasiente sira iha TL.
Nia dehan, maske Konselhu Ministru (KM) hasai rezolusaun suspende rekrutamentu ba funsionariu hotu, maibe parte Ministeriu Saude sei kontinua halo rekrutamentu, tanba nesisariu duni halo rekrutamentu hodi aumenta numeru pesoal saude neebe menus no hasae kualidade atendimentu ba pasiente sira, oinsa bele responde ba nesesidade ba servisu iha HNGV no Sentru Saude sira iha munisipiu hotu.
“Lae, hau hanoin iha Governu nee ita boot sira haree didiak iha anexsu kotuk, iha pontu tolu hatete katak, apsesional iha parte profisional saude, tinan ida nee ita iha funsionariu kontratadu tinan naruk nian laran, maske balun 10 anos ital ona, no ita sei servisu hamutuk ho Komisaun Funsaun Publiku para lori rekursu humanus nee ba iha kualidade neebe diak,” hatete Ministra Saude, Élia A. A. dos Reis Amaral ba jornalista sira iha HNGV, Tersa (04/08/2026).
Nia esplika, Ministeriu Saude rekonhese too agora funsionariu balun tinan barak servisu maibe agora daudaun seidauk asina kontratu permanente.
Iha fatin hanesan, fontes konfirmadu neebe servisu iha HNGV deklara, profisional saude barak mak tinan 10 liu ona maibe sei kontratadu, seidauk permanente iha knar profisional saude, tanba nee husu ba Governu bele hadia no rekrutamentu ba pesoal saude sira, atu nunee bele fo atendimentu neebe kaulidade ba pasiente.
“Hau tinan 10 resin maibe too agora sei kontratadu, maibe ita tenke servisu ho profisional ba ita nia pasiente, tanba nee ita husu ba Governu tenke fo atensaun ba profisional saude sira neebe servisu tinan barak ona,” nia afirma.
(jen)
