DILI, STLTIMORLESTE.com – Visi Primeiru Ministru, Mariano Assanami Sabino husu estudante bolseiru sira tenke aprende nafatin lian português, tanba lingua nee Timor nia identidade.
Liafuan nee nia haktuir ba bolseiru bolsu meritu FDCH nain 140 iha ambitu serimonia despedida neebe halao iha salaun Multiuosos GMN Bebora, Kinta (0608/2026).
Nia dehan, bolseiru neebe mak ba estudu iha nasaun Indonezia, Portugal, Brazil, Malazia no Moçambique tenke nafatin aprende lian português.
“Lingua português ita nia lian no ita nia identidade. Ita ida deit maibe fahe ba rua, ida mak uza bahasa Indonezia okupa husi Olanda, ida neebe mak okupa husi Português mak ita koalia português, loro monu mak iha sorin neeba no lorosae mak TL nee. Imi bele estuda iha neebe deit mais aprende no estuda nafatin lingua português tanba ita nia tempu sei koalia duni lian nee,” tenik nia.
Assanami hatete, nia parte mos la domina no la hatene português, maibe tanba mandatoriu historiku hakarak ou lakohi lingua português sai ona Timor oan nia identidade. Neebe imi estudante tenke aprende no estuda nafatin lingua nee.
Tuir nia katak, koalia português hanesan ema TL la presiza hanesan ema Portugal. Nunee mos koalia inglês hanesan ema TL la presiza kopia ingles hanesan ema Inglatera nian. Timor oan koalia Português ho Inglês la presiza moe, maibe aprende nafatin hanesan Timor oan.
(dom)
