DILI, STLTIMORLESTE.com – Estudantes husi Ensinu Baziku Filial (EBF) Marinir kona alargamentu no transfere ba iha EBC 30 de Agosto, no dadaun nee estudantes sira hahu halao prosesu ensinu aprendizajen.
Tuir Koordenador Ensinu Baziku Filial (EBF) Marinir, Aureliano Maia dehan ba STL iha nia knaar fatin, Sesta nee (07/08/2026).
“Ita nian estudantes sira tama eskola iha eskola EBC 30 de Agosto. Estudantes sira nee transfere fali ba eskola 30 de Agosto, ita nian prosesu aprendizajen agora daudaun lao ona ba ita nian estudante sira,” dehan nia.
Tanba tuir nia, manorin ativu nee sura ho koordenador 20, maibe tanba nain rua moras prelongada, quadro sentus noventa um estudantes, durante nee sira nian sala aprendizajen iha EBF Marinir nee hitu.
“Uza EBC 30 de Agosto nee provizoriu deit, hau nuudar koordenador ami muda ba EBC 30 de Agosto nee provizoriu ou permanente, nee husi Ministeriu Edukasaun hatene, tuir informasaun katak ami uza provizoriu deit. Ami nian ensinu aprendizajen ketak la hamutuk ida, ami sei uza sala ualu hodi halao aprendizajen ba ami nian estudantes sira,” katak nia.
(jac)
