AMBENO, STLTIMORLESTE.com – Prezidente Autoridade Rejiaun Administrativa Espesiál Oé-cusse Ambeno (RAEOA), Régio Servantes Roméia da Cruz Salu hamutuk ho dirijentes no funsionáriu hotu-hotu hato’o parabéns ba povu Timor-Leste tomak, espesialmente ba povu Oecusse neebe tinan nee selebra loron konsulta Popular ba dala-27, 30 Agostu 1999 – 30 Agostu 2026.
“Hau lori Prezidente Autoridade RAEOA Hato’o parabéns ba povu Timor-Leste tomak espesialmente povu iha Oé-cusse, nomós hodi povu no Autoridade Rejiaun Administrativa Espesiál Oé-cusse Ambeno tomak felisita tinan 27 komemorasaun loron konsulta Popular 30 Agusto 1999, ne’ebé sei selebra iha tinan 2026 ne’e ba dala-27, tanba nee iha Oecusse, Autoridade RAEOA desidee sei selebra loron konsulta popular nee hamutuk ho povu Oecusse iha Merkadu Makelab, Suku Taiboko, Postu Administrativu Pantemamasaar RAEOA,” dehan PA-RAEOA, Regio da Cruz Salu iha Edifisiu Autoridade RAEOA Fomentu Dili, Sesta (28/08/2026).
PA-RAEOA Aproveita okaziaun ida ne’e, hakarak hato’o agradesimentu ba Timoroan hotu, ne’ebé hato’o sira nia direitu votu iha loron konsulta popular nian, iha tinan 27 liu ba.
“Ita hotu nia votu mak determina no hakotu mehi naruk kona-bá libertasaun no ukun rasik an,” katak Prezidente Autoridade RAEOA,” Afirma nia.
“Desizaun votante Timoroan hotu iha momentu ne’eba, mak ohin loron ita ukun rasik an. Dala ida tan, parabéns ba povu Timor-Leste tomak, espesiál ba povu Oé-cusse tomak. Lahaluha mós hato’o ami nia respeita ba Timoroan hotu ne’ebé hato’o sira nia votus, hodi termina prosesu naruk no harí nasaun Repúblika Demokratika Timor-Leste, liu husi loron konsulta popular ka referendum. Povu mak eroi no povu mak hakotu funu ho pregu, hodi ohin loron Timor-Leste hamrik hanesan nasaun ida,” dehan Prezidente Autoridade RAEOA.
Nia dehan, tenke kontinua haforsa rekonsiliasaun nu’udar admisaun Estadu nian iha Enclve Oé-cusse Ambeno.
“Ami husu nafatin ita servisu hamutuk, moris hamutuk hanesan maun alin, hanesan família Timoroan, ita hotu tenke moris hamutuk iha ambiente neon ida laran ida nekaf mese ansaof mese, hodi tane valor Timoroan nian,” afirma nia.
“Família hotu ne’ebé sakrifika an, iha komemorasaun loron konsulta popular 30 Agostu ne’e, ita hotu reza ba Maromak, atu sira nia klamar no asaun heroiku, bele hetan fatin diak iha Nai Maromak nia Kadunan Santu,” haktuir Regio.
PA-RAEOA Konvida Povu Atoni Komemora iha Makelab
Iha biban nee, Prezidente Autoridade RAEOA, Regio da Cruz Salu, konvida maluk Atoni Oé-cusse oan tomak, husi suku 20, atu bele hola parte iha atividade komemorativa ne’ebé Autoridade RAEOA deside atu selebra hamutuk iha Merkadu Makelab, Suku Taiboco, Sub-rejiaun Pante-Makassár, hamutuk ho Ministra Solidariedadesosial no Inkluzaun (MSSI), Veronica das Dores.
Komemorasaun ne’e, sei hahú ho atividade long mars iha loron 29 Fulan Agusto, husi tula ika ba to’o Makelab, iha tuku 15:00 loronkraik no to’o iha Makelab, sei iha atividade reflesaun, aprezentasaun filmajen istoriku, animasaun popular, misa agradesimentu no atividade seluk tan.
Iha fatin seluk Marcos Elu nuudar povu Oecusse, sente kontante tanba tinan nee Governu autoridade sei organiza povu Oecusse hodi komemora hamutuk loron vitoria povu Timor Leste nian, liu-liu iha RAEOA.
“Hau nuudar povu Atoni Oecusse, sente kontente ho inisiativa governu Autoridade RAEOA neebe iha programa hodi komemora loron vitoria nee iha Oecusse, no eskolha fatin nee mos kapas tebes tanba iha momentu neeba tinan 1999, mosu masakre ida mos iha Makelab, Suku Taiboko Oecusse,” dehan nia.
Iha biban nee, nia husu ba autoridade no povu Oecusse atu refleta, loron importante ida nee hodi kontinua tau matan ba povu iha setor infraestrutura no dudu dezenvolvimentu rai TL, espesialmente iha Oecusse lao ba oin.
(jos)
