DILI, STLTIMORLESTE.com – Orgáun soberanu Prezidente Republika, Parlamentu Nasional, Governu no Tribunal ohin presta homenajen ba Preladus Timor-Leste nain haat iha Kapelina Tasi Tolu, Dili.
Presta homenajen ne’e hala’o ba urna Dom Jaime Garcia Goulart, Dom Jose Joaquim Ribeiro, Monsenór Martinho da Costa no Dom Alberto Ricardo da Silva, ne’ebé oras ne’e hela iha Kapelina Tasi Tolu.
Vise Koordenadór Komisaun, Padre Guilhermino da Silva hateten katak, oportunidade nee fó ba povu sarani tomak atu hatudu sira nia domin no fiar ba Preladus sira neebe durante sira nia moris servisu ba Igreja no povu Timor-Leste, homenajen halo kedas desde loron 1 Setembru to’o agora, no povu sira mai tama atu fó sira nia homenajen ba Preladus sira.
Tuir nia, orgáun soberanu haat hili atu presta homenajen ohin tanba urna Preladus nain tolu, desde to’o Timor iha 2 Setembru 2026, sei lori ba Laleia, Manatuto, no depois loron rua foin fila fali ba Dili.
Enkuantu urna Dom Jaime Garcia Goulart iha hela Tasi Tolu tanba iha períodu ne’ebá sei sai ba vizita ISFIT.
Ho nunee, urna Dom Jose Joaquim Ribeiro no Dom Alberto Ricardo da Silva mak hela iha Kapelina durante períodu balun.
“Entaun ba orgáun soberanu haat, ita fó tempu ohin atu urna sira fila hotu mai iha ne’e, mak foin sira fó sira nia homenajen hanesan ita asiste dadauk,” esplika Padre Guilhermino ba jornalista sira iha Tasi Tolu, Segunda (7/09/2026).
Desde dader, Prezidente Parlamentu Nasional no Prezidente Tribunal Rekursu marka prezensa atu fó homenajen.
Prezidente Repúblika no Primeiru Ministru la marka prezensa iha momentu ne’e tanba iha servisu ofisiál iha loron hanesan, maibé sei iha oportunidade seluk atu mai.
Padre Guilhermino mós hateten katak, iha loron 8 Setembru 2026 Embaixada sira no reprezentante partidu polítiku sei fo sira nia homenajen, iha loron tuir Dioseze Baucau no Diocese Maliana Presta homanejen no iha loron 10 Setembru 2026, laiha homenajen.
“Ita hein prepara aan iha oras tuku 05.00 loraik ita misa ba urnas preladus sira iha nee, depois misa sei translada urna Preladus nain haat ba Se Katedral Dili atu iha kontinua prosesu halot iha fatin neeba,” hatete Pe.
(joa)
