DÍLI, STLTIMORLESTE.com — AD SLB domina Lemocor 71-12 iha Liga Nasional Basketball Timor-Leste 2026, iha Ginásio Dili, foin lalais nee.
AD SLB hatudu dominasaun desde kuartu dahuluk, kontrola bola no kria oportunidade ofensiva ho efetividade.
Ekipa ne’e konsistente iha arremesu pontu rua no aproveita oportunidade ofensiva atu aumenta vantajen durante partida.
Lemocor buka responde liuhosi arremesu pontu rua no tolu, maibé difísil atu finaliza oportunidade sira.
AD SLB kontinua aumenta diferensa pontu to’o remata partida ho vantajen 59 pontu, enkuantu Lemocor hetan de’it 12 pontu.
Durante deskansu, treinadór husi ekipa rua fó orientasaun atu jogadora sira mantein konsentrasaun no disiplina.
Apoiantes sira iha Ginásio Dili kontinua fó animasaun, nune’e ambiente iha pavilhaun sai animadu durante partida.
Rezultadu 71-12 hatudu dominasaun klaru AD SLB, enkuantu Lemocor presiza hadi’a finalizasaun, kontrolu bola no organizasaun defensiva.
(leo)
