DILI, STLTIMORLESTE.com — Prezidente Repúblika (PR), José Ramos-Horta simu Enkargadu Negósius Embaixada Estadus Unidus, Bruce Begnell, atu diskute prioridade kooperasaun bilaterál no asisténsia umanitária.
Audiénsia ofisiál ne’e hala’o iha Palásiu Prezidensiál Nicolau Lobato, Bairru Pité, Díli, iha Tersa-feira, 13/10/2026.
Hafoin enkontru, Bruce Begnell esplika ba jornalista katak vizita ne’e atu reafirma kompromisu Estadus Unidus nian hodi kontinua apoia Timor-Leste nia dezenvolvimentu no kooperasaun iha nivel bilaterál.
Nia mós subliña, Estadus Unidus nia apoiu ba Timor-Leste nia esforsu sira iha prosesu integrasaun rejionál, liuliu hafoin nasaun ne’e sai membru ASEAN.
Kooperasaun ne’e sai parte importante husi relasaun entre nasaun sira.
(eme)
