DILI, STLTIMORLESTE.com – Estudantes finalista sira husi Eskola Sekundária Jerál Públika (ESGP) 5 de Maio, Becora, ohin mai eskola atu simu numeru ezame nasional, nu’udar preparasaun ba ezekusaun ezame ne’ebé sei hala’o iha Segunda-feira, (19/10/2026.
Diretór ESGP 5 de Maio, Becora, Julio Maia Castro de Jesus hato’o informasaun ne’e ba STL, sexta-feira (16/10/2026).
“Estudantes finalista sira ohin mai eskola atu simu numeru ezame no prepara an ba ezame nasional ne’ebé sei hala’o iha segunda-feira, 19/10/2026. Enkuantu estudante klase 10 no 11 hahú ona férias iha uma, tanba estudante finalista sira sei tuir ezame nasional iha segunda-feira, depois kontinua ho ezame lokál,” nia afirma.
Nia husu mós ba estudante finalista sira atu prepara an no estuda ho didi’ak, hodi bele partisipa iha ezame nasional no ezame lokál ne’ebé sei hala’o tuir kalendáriu ezame.
Nia subliña katak, estudante ida-idak presiza prepara an ho responsabilidade, hodi bele enfrenta ezame sira ne’e ho susesu.
(jac)
