DÍLI, STLTIMORLESTE.com – Dalia Dias Mouzinho, feto tinan 22, ne’ebé hetan taa ho katana husi nia aman rasik iha Suku Samalete, Postu Administrativu Rai Laco, Munisipiu Ermera, mate iha HNGV, mate isin too ona sala Mortoariu HNGV hein autopsia.
Tuir Xefe Departamentu Forensik iha HNGV, Nilton Tilman hatete, Matebian ho naran Dalia Dias Mouzinho foin too sala Mortoariu maizumes 12:00 dadaun nee hein prosesu Autopsia.
“Matebian iha ona sala Mortoariu ita hein prosesu autopsia,tanba dehan hetan taa husi nia aman rasik,” hatete Xefe Departamentu Forensik iha HNGV, Nilton Tilman ba STL liu husi telfone iha sala Mortoariu HNGV, Tersa (20/10/2026).
Nia dehan, hein deit pedidu husi Ekipa Fronsik PNTL Munisipiu Ermera nian, depois ba prosesu autopsia.
“Hau rona hotu informasaun Matebian too iha HNGV baixa maka foin hakotu Iis,depois ohin mak lori mai sala Mortoariu hodi ba autopsia,” nia esplika.
Iha fatin hanesan, Xefe Suku Samalete, Antonio dos Santos informa, akontesementu nia laiha fatin, maibe rona informasaun husi PNTL Munisipiu Ermera, tanba nee nia ba liu fatin akontesementu durante 30 minutus, maibe too iha neeba Matebian Dalia Dias Mouzinho grave ona depois nia aman mos sona aan rasik ona.
“Ami too iha neeba rona informasaun husi nia familia sira katak, matebian ho nia aman asesuk malu konaba telfone maka hodi taa Matebian,konaba informasian seluk hau lahatene,” nia deklara.
Nia informa, akontese nee tuku 07:00 otl depois tuku 08:00 maka foin rona depois sira lao too iha fatin akontesementu no area neebe sira hela mos distanisa neebe dok tebes.
Nudar Autoridade Lokal Kazu nee tenke ba oin,tanba involve kazu violensia, no durante nee iha Suku nee rasik tuir ona formasaun konaba violensia domestika, depois akontese fali violensia iha uma laran.
“Tenke prosesu duni ba oin, sei lae ema seluk bele halo tuir tan, akontese nee ami ho Polísia sira too dala ida no lori kedas ba Sentru Saude halo tratamentu, tanba sira nian rua ita haree grave hotu,” nia afirma.
(jen)
