DÍLI, STLTIMORLESTE.com — Investidór sira hosi Hong Kong manifesta interese atu halo investimentu iha Timor-Leste, liuliu iha setór infraestrutura, durante enkontru ho Primeiru-Ministru (PM), Kay Rala Xanana Gusmão, iha Palásiu Governu, Dili, Tersa (20/10/2026).
Enkontru ne’e sai oportunidade ba investidór sira atu hato’o sira-nia interese kona-ba investimentu iha Timor-Leste, nu’udar parte hosi esforsu atu apoia dezenvolvimentu ekonómiku no infraestrutura nasionál.
Hafoin enkontru, PM Xanana Gusmão, hamutuk ho Ministru Obras Públikas (MOP), Samuel Marçal, akompaña emprezáriu sira ne’e ba vizita terrenu, atu haree diretamente fatin sira ne’ebé identifika ona nu’udar potensiál ba investimentu.
Vizita ne’e hanesan etapa inisiál atu investidór sira bele avalia kondisaun no potensiál fatin sira ne’ebé planeia atu dezenvolve, liuliu iha área infraestrutura.
Investimentu iha infraestrutura iha papél importante atu hadi’a asesu ba servisu públiku, suporta atividade ekonómika no kria oportunidade dezenvolvimentu iha Timor-Leste.
Maski nune’e, informasaun kona-ba montante investimentu, projetu espesífiku, prazu implementasaun no akordu ne’ebé posivelmente atinji seidauk detalha iha informasaun ne’ebé disponivel.
(jos)
