Tribunal Aplika Pena Admoestasau ba VdCV

Tribunál Primeira Instánsia Dili. (Foto: AI)

DÍLI, STLTIMORLESTE.com – Tribunal Judisiál Primeira Instánsia Dili aplika pena admoestasaun ba funsionáriu públiku ne’ebé uza kareta Estadu ba interese privadu.

Tribunal Judisiál Primeira Instánsia Dili iha Tersa-feira, 16 fulan Novembru 2026, kondena arguidu VdCV ba krime pekulatu de uzu, ho pena prizaun fulan tolu, maibé troka ho pena admoestasaun.

Juiz José Maria mak lee desizaun ne’e, iha julgamentu sumáriu ne’ebé hala’o iha tribunal.

Tribunal prova katak, arguidu uza kareta Estadu ne’ebé entrega ba nia tanba kargu funsionál, atu lori nia feen ba servisu no oan ba eskola iha Balide.

Arguidu utiliza kareta ne’e ba objetivu privadu, maski veíkulu refere entrega ba nia atu hala’o knaar ofisiál.

KAK kaer arguidu iha situasaun flagrante delitu. Durante prosesu, arguidu konfesa faktu sira no hatudu arrependimentu ba hahalok ne’ebé nia komete.

Tribunal konsidera arguidu nia konfesáun, arrependimentu no faktu katak nia funsionáriu públiku, ne’ebé foin primeiru vez mai hatan iha tribunal.

Bazeia ba faktu provadu, tribunal konsidera arguidu nia hahalok prense elementu krime pekulatu de uzu.

Maski aplika pena prizaun fulan tolu trbunal, bazeia ba artigu 82 no 83 husi Kódigu Penál no rekizitu legál sira, deside troka pena ne’e ho admoestasaun. No kustu judisial sem dolar.

Antes nee Prokuradór Domingos Gouveia iha alegasaun husu pena suspensaun, enkuantu defeza husu pena admoestasaun.

Ikus mai, tribunal konkorda ho pedidu defeza nian no aplika pena admoestasaun ba arguidu. No kustu judisial 100.

Juiz José Maria esplika ba arguidu katak, se la konkorda ho desizaun tribunal nian, nia bele aprezenta rekursu liuhusi defeza.

(ter)

Share it :

Leave a Reply

Your email address will not be published. Required fields are marked *