TJPID Aplika Medida AP ba Arguidu Na’in 2

Tribunál Primeira Instánsia Dili. (Foto: AI)

DILI, STLTIMORLESTE.com – Tribunál Judisiál Primeira Instánsia Dili (TJPID) aplika medida koasaun aprezentasaun periódika (AP) ba arguidu na’in-rua (2), akuzadu krime ofensa integridade fízika grave no dezobediénsia.

Desizaun ne’e foti iha kinta-feira, 19 Novembru 2026, depois tribunál rona deklarasaun hosi arguidu sira iha prosesu julgamentu.

Arguidu na’in-rua ho inisiál NMN no AM lori ba tribunál hosi Ministériu Públiku (MP) atu hatán ba akuzasaun krime refere.

Prosesu julgamentu ne’e prezide hosi juíza Sribuana da Costa, ho prokuradór Simião Brito reprezenta Ministériu Públiku.

Enkuantu, defensór públiku Anzelmo Akara fó asisténsia jurídika ba arguidu na’in-rua durante prosesu julgamentu.

Tuir informasaun ne’ebé disponivel, PNTL hala’o operasaun no kaptura suspeitu sira ne’ebé alegadamente envolve iha agresaun hasoru membru PNTL ida.

Insidente ne’e akontese iha Postu To’analaran, bainhira membru PNTL hamutuk ho membru Konsellu Polísia Komunitária (KPK) hala’o atividade prevensaun krime.

Iha momentu ne’ebá, membru KPK identifika suspeitu ida no ba nia rezidénsia, maibé suspeitu sira halo provokasaun ne’ebé hamosu konflitu.

Membru PNTL tama atu hakalma situasaun, maibé akontese agresaun fízika ne’ebé rezulta membru polísia ida hetan kanek iha inus.

Depois insidente ne’e, PNTL hetan apoiu hosi Task Force, Patrulla Vera Cruz no parseiru intelijénsia atu hala’o operasaun kaptura suspeitu sira.

(ter)

Share it :

Leave a Reply

Your email address will not be published. Required fields are marked *