DILI, STLTIMORLESTE.com – Liu husi Komunikadu Impresa ne’ebe STL asesu katak, Adidu Defeza RDTL, Coronel Renilde Guterres Corte Real e Silva, enkontru ho Wakil Asisten Intelijen Panglima TNI, Laksamana Muda A.A. Oka Wirayudha, iha Mabes TNI, Cilangkap.
Enkontru nee halao iha loron 09/09/2026 iha Jakarta hala’o iha kuadru diplomásia militár hodi hametin relasaun institusionál no komunikasaun entre F-FDTL no TNI.
Tuir Adidu Defeza RDTL, Coronel Renilde Guterres Corte Real e Silva hatete, parte rua diskute kooperasaun bilaterál iha área defeza no seguransa. Sira mós ko’alia kona-ba estabilidade rejionál no mekanizmu hodi aumenta konfiansa entre nasaun rua.
Adidu Defeza apresia apoiu hosi lideransa TNI. Nia dehan,“Karik komunikasaun no koordinasaun kontinua, relasaun defeza entre nasaun rua sei forte liután,”nia esplika.
Sira konkorda atu nafatin halo kontaktu regular. Objetivu atu promove amizade, entendimentu mútu no kooperasaun iha futuru.
Entretantu Enkontru ne’e la’o ho ambiente amistózu no profisionál. Ne’e mós reforsa papel Adidu Defeza nu’udar ponte entre instituisaun defeza nasaun rua.
F-FDTL sei kontinua halo diplomásia militár ho baze respeitu mútu no interese komún hodi apoia paz no estabilidade rejionál.
(jen)
