DÍLI, STLTIMORLESTE.com — ADR União manan Liceu 4 de Setembru Viqueque 3-0, iha Liga Voleibol Timor-Leste, Segunda Divizaun 2026.
Partida ne’e realiza iha Pavilhaun Ginásiu Dili, Sesta-feira, 25/09/2026, ho ADR União domina jogu hosi inísiu to’o remata.
Iha set dahuluk, ADR União kontrola ritmu partida liuhusi servis, passing, smesh no bloku, hodi manan ho rezultadu 25-18.
Set daruak, Liceu 4 de Setembru tenta aumenta presaun no rekolha pontu, maibé ADR União kontinua konsistente no manan 25-18.
Iha set datoluk, ADR União kontinua domina partida liuhusi kombinasaun servis, passing, smesh no bloku, hodi manan tan 25-18.
Ho rezultadu final 3-0, ADR União konquista terseira lugar Liga Voleibol Timor-Leste Segunda Divizaun 2026.
Rezultadu ne’e mos lori ADR União hakat ba Liga Nasional Voleibol Primeira Divizaun 2026, enkuantu Liceu 4 de Setembru nafatin iha Segunda Divizaun.
Durante partida, apoiantes no simpatizantes ekipa rua kontinua fó animasaun, hodi halo ambiente iha Pavilhaun Ginásiu Dili sai animadu.
(Leo)
