DILI, STLTIMORLESTE.com – Autoridade Turizmu Timor Leste (ATTL) rekolha ona dadus ba hotel sira iha area munisipiu 6 hanesan Dili, Aileu, Baucau, Bobonaro, Viqueque no Covalima.
Responsavel Departamentu Estatistika no Observatoriu Turistika-ATTL, Cornelio Fernando Gusmão ba STL iha Edifisiu ATTL Vila Verde, Kuarta (10/6/2026) esplika, rekollamentu ba munisipiu 6 nee hahu Abril tinan 2025. Husi munisipiu 6 nee, sira foti dadus otel hamutuk 118. Husi numeru 118 nee, nain ba otel sira nee, balu privadu, balu estranjeiru, no balu joint entre pesoal railaran no estranjeiru. Sira join hamutuk loke otel.
Iha Aileu, ATTL identifika, balu tama kategoria hotel maske ninia estandar seidauk estandariza lolos. Maibe ninia kategoria bele dehan, otel ona. Bele simu bainaka nain 7. Iha Baucau iha otel 14, Bobonaro iha 15, Covalima iha 8, no Viqueque iha 12.
Konta hamutuk 74 maibe seidauk standariza nuudar otel lolos. Maske nunee, tama ona kategoria bele simu bainaka, hanesan Kapital Aileu iha otel rua neebe estranjeiru prepara. Nee tama kategoria hotel ona tanba iha fasilidade diak. Iha Baucau iha otel ida, Bobonaro iha Ida, Covalima iha rua, no Dili iha 28. Konta hamutuk 34. Otel sira nee, mesmu seidauk estandariza lolos nuudar otel, maibe bele simu ona bainaka.
Ba hotel neebe join hamutuk, iha Aileu Vila iha otel ida, Covalima iha otel ida, Dili iha otel 4. Entretantu, Viqueque, Bobonaro no Baucau sei laiha, maibe restu sira neebe join hamutuk entre nasional no estranjeiru, ATTL klasifikasi ona nuudar otel. Dehan otel, tanba sira nia fasilidade diak no bele simu bainaka.
Husi dadus neebe ATTL rekoila, Aileu iha ootel 10, Baucau iha otel 14, Bobonaro iha otel 16, Covalima iha otel 11, Dili iha otel 55 no Viqueque iha otel 12. Konta hamutuk 118 otel.
Nia informa, agora dadaun esbosu lei submete ona ba Gabineti Vice Primeiru Ministru maibe seidauk aprova, seidauk rekomenda ba Konselu Ministru hodi diskute no aprova. Esbisu lei nee liga ho asuntu balu sobre estandarizaun no klasifikasaun.
Atu estradariza otel ruma, nia dehan, presiza hare ninia kualidade konstrusaun, fasilidade internu, dekorasaun internu. Nee tenke tuir ninia estandar. Esbisu lei nee mos, koalia konaba Kristu aplikavel. Kada otel bele aplika ba vizitante. Maske TL aplika merkadu kobre maibe buat hotu tuir ninia presu, tuir ninia estandar. Iha otel balu aplika kustu USA$ 10 ou US$ 20 oras ida. Ida nee lamerese ba sira atu estabelese. Iha fatin balu tau naran otel maibe halao fali atividade ilegal balu.
ATTL espera, esbisu lei neebe sira submete ona ba governu, Konsellu Ministru bele aprova. Ho nunee, bele halo klasifikasaun ba hotel sira, hodi kontrolu otel sira neebe aplika meus ho atividade oioin, laiha relasaun ho atividade otel nian lolos. Balu pratika fali buat seluk.
Atu kontrola atividade otel sira mak lalos nee, presiza lei hodi kria no kontrola otel sira. Nee presiza kria kondisaun diak, tanba TL tama ona ba ASEAN.
(joa)
