DÍLI, STLTIMORLESTE.com – Ekipa voleibol feto Munisípiu Baucau hatudu dominíu boot hasoru Munisípiu Liquiça, iha kompetisaun Festival Nasionál Desportu 2026 modalidade voleibol feto, ne’ebé hala’o iha Kuarta-feira, 18 Novembru 2026 iha Genaziu Desportu Díli.
Iha jogu ida-ne’e, ekipa Baucau konsege manán set tolu ho rezultadu 3–0, depois de domina jogu husi inísiu to’o remata.
Iha set primeiru, Baucau hatudu forsa liuhusi atake no defeza ne’ebé organize diak, hodi manán ho pontu 25–8 kontra Liquiça.
Set segundu, Baucau kontinua kontrola ritmu jogu no la fó oportunidade ba Liquiça atu muda situasaun. Baucau manán fali ho pontu 25–8.
Enkuantu set terseiru, Liquiça koko atu fó rezisténsia liuhusi pontu balu, maibé Baucau kontinua konsistente iha servisu, passing no smash, hodi taka set ikus ho rezultadu 25–13.
Ho rezultadu final 3–0, Munisípiu Baucau konsege hetan vitória importante iha modalidade voleibol feto Festival Nasionál Desportu 2026.
(leo)






