DÍLI, STLTIMORLESTE.com — Daçuate konkista terseira lugar iha Liga Voleibol Timor-Leste Segunda Divizaun 2026, depois manan Loe-Laco 3-2, Sesta-feira, 25/09/2026.
Partida ne’e hala’o iha Paviliaun Ginásiu Dili, ho ekipa rua hatudu kompetisaun maka’as liuhusi servis, passing, smesh no bloku.
Iha set dahuluk, Daçuate kontrola ritmu partida no manan 25-20, hodi lidera partida ho skor 1-0 hasoru Loe-Laco.
Set daruak, Loe-Laco aumenta presaun, maibé Daçuate hadia fali nia jogu liuhusi servis, smesh no bloku konsistente, no manan 25-23.
Iha set datoluk, Daçuate kontinua hatudu dominasaun liuhusi servis, passing, smesh no bloku. Maibé Loe-Laco aumenta esforsu no manan set 25-23.
Set dahat, ekipa rua nafatin halo jogu maka’as. Loe-Laco aumenta presaun no konsege manan set ho rezultadu 25-21, hodi empate skor 2-2.
Rezultadu empate obriga ekipa rua kontinua ba set dalima. Daçuate halo esforsu maka’as no konsege manan set ikus ho rezultadu 15-9.
Ho rezultadu ne’e, Daçuate manan Loe-Laco 3-2 no konkista terseira lugar Liga Voleibol Timor-Leste Segunda Divizaun 2026.
Rezultadu ne’e mós lori Daçuate hakat ba Liga Nasional Voleibol Primeira Divizaun 2026, depois remata kompetisaun ho pozisaun terseira.
Durante partida, apoiantes no simpatizantes husi ekipa rua fó animasaun, hodi halo ambiente iha Paviliaun Ginásiu Dili sai animadu.
(Leo)
