DILI, STLTIMORLESTE.com – Nuudar edukador kada loron sempre prepara planu aula, tanba hanorin estudante bazeia ba planu neebe prepara.
Haktuir Olinda da Silva hanesan profesora husi Ensinu Baziku Filial (EBF) Naroman ba STL iha nia knaar fatin, Segunda nee (24/02/2025).
“Nuudar edukador ami tenke halo planu aula mak hanorin ita nian estudante sira, tanba agora nee laos hanesan ho uluk, ami nian planu de aula nee iha livru mahar boot ida, nee duni ami hanorin haree tuir ida nee, depois konforme tuir atividades neebe mak planu nee iha, iha planu nee mak halo pratika, nee tenke halo pratika mak barak, ba hau nian materia natural ho sosial nee ita halo pratika mak barak liu,” nia komenta.
Profesora Olinda hatutan, tuir ninia materia nee ezemplu hanesan rai nakdoko rai monu, nee tenke halo preparasaun hanesan prepara rai henek, fatuk, kaisa, supermi ninia kulit halo hanesan uma, ense bee iha balde ida, bainhira mosu rai nakdoko sunami sae nee oinsa, nee halo preparasaun ba estudante sira.
Iha parte seluk, Diretor ESJ nu. 4 Setembru Balide, Sergio A. da Cruz hatete, profesores sira halo planu de aula, tanba halao aprendizajen nee bazeia ba planu aula neebe mak kada profesor sira prepara ona.
(jac)
