DILI, STLTIMORLESTE.com – Feto iha munisipiu tempu naruk kapasita aan no preparadu ona hodi lidera, bainhira implementa desentralizasaun administrativu no poder lokal iha kada munisipiu.
Kestaun nee hatoo husi Sekretaria Estadu ba Igualdade, Elvina Sousa Carvalho ba jornalista sira iha Otel Palm, Tersa (09/06/2026) hatete, tempu naruk SEI hamutuk ho parseru sira fo formasaun no kapasita feto potensia sira, tanba nee dadaun nee feto preparadu no prontu lidera dezentralizasaun administrativa poder loka neebe planu governu sei implementa iha tempu besik.
Diskusaun sira nee laos ba diskusaun deit maibe protidaun tanba dadaun nee feto sira prepara aan atu ba hasoru dezentralizasaun.
“Hau hatete katak feto maluk sira tempu barak nee prepara aan hela atu bele ba hasoru dezentralizasaun administativa e poder lokal sira prepara ba tempu naruk iha asosiasaun feto munisipiu I feto partidu politiko sira munisipiu neebe mak iha sira nia tarjetu klaru iha sira nia mehi klaru sira nia vizaun klaru, ba tempu naruk sei hamutuk ho parseru sira halo atividade, sosiedade sivil sira halo atividade formasaun no parseru sira halo atividade formasaun sira rasik hakbiit sira nia aan balun ba eskola liu,” dehan SEI.
Sekretaria Estadu hatete, feto barak mos dadaun nee okupa hela iha posizaun importante iha munisipiu, tanba nee feto sira iha munisipiu preparadu atu hakat ba oin, nee laos kestaun konaba prepara kalae? maibe konaba protidaun.
“Feto sira iha munisipiu preparadu tanba diskusaun konaba administrasaun poder lokal nee kleur ona feto maluk sira hatene katak sira bainhira tama iha laran sira tenke kontribui no hakbiit aan, hau fiar katak agora sira diskusaun laos atu prepara maibe atu protidaun,” katak nia.
Foin lalais Governu Timor-Leste aprova ona estratejia desentralizasaun no poder lokal. Prosesu hanesan transferensia poder no kompetensia husi governu sentral ba munisípiu no suku sira. Objetivu boot liu mak hakbesik administrasaun ba komunidade hodi fasilita atendimentu publiku no dezenvolvimentu.
(eme)
