DILI, STLTIMORLESTE.com – Funsionariu husi Terras Propriedade ensera ona sira nia formasaun kona-ba Web, dababase no droom neebe fasilita husi NIPA Korea.
Tuir Sekretariu Estadu Terras Propriedades, Jaime Xavier Lopez katak, depois forma tiha IX Governu, Embaxador Koreia no Koica ba vizita sira nia fatin, iha tempu neeba husu ba sira atu fo apoiu ba Terras Propriedade tanba iha hanoin ida hakarak dezenvolve Terras Propriedade hanesan mos nasaun seluk avansadu tiha ona, no tempu neeba Embaxador hateten prontu fo apoiu saida mak sira hakarak, no husu hakarak dezenvolve informasaun liu husi Web atu informasaun saida mak ita hakarak husu nia bele mosu kedan.
“Tanba nee mak sira mai fo treinamentu ba Web Droom no mos database, tanba nee agora sira aprezenta ona database neebe sira aprende ona, no tekniku sira kona-ba utiliza droom atu sukat rai no funsionariu sira mos bele kria rasik database,” dehan Jaime ba jornalista sira iha Kaikoli, banhira ensera Formasaun Kuarta (04/06/2025).
Nia hatutan, kona-ba droom nee funsionariu sira mos bele sukat ona rai ho droom, tanba ita iha ona droom boot ida, kona-ba estrada nian neebe petroliu minerais halao ona sira mos bele uza ona droom nee sukat rai, bele dehan tekniku Terras Propredade komesa avansadu ona.
Esplika tan, funsionariu hamutuk nain 40 resin mak tuir formasaun, maibe ho rekursu neebe menus dala ruma servisu balu iha sira kontinua halao tiha, maibe bele dehan sira iha konhesimentu liu husi formasaun nee.
Iha fatin hanesan, Diretor Jeral Internu, Helder Da Costa dehan, formasaun nee importante tanba atu hare kona-ba dadus.
“Dadus importante, atu rezolve kestaun Terras Propriedade nian, husi ida nee halo kooperasaun ho Ajensia husi Koreia no agradese ba iha Formador atu hasae konhesimentu partesipantes sira nian,” dehan nia.
Hatutan tan, formasaun neebe iha partisipantes hamutuk 40 mak partisipa, no konsentra ba iha formasaun nee iha buat tolu, ida mak database, web no droom, durante formasaun partisipantes sira hatudu duni sira nia partisipasaun, atu melhora Terras Propriedade lao ba oin.
(ter)
