FILIPINA, STLTIMORLESTE.com – Primeiru-Ministru Kay Rala Xanana Gusmão to’o ona iha Filipina, liu husi aviaun Cebu Pacific Airlines, iha oras 12:45 lokál, atu partisipa iha Cimeira ASEAN dala 49.
Tuir observasaun ne’ebé STL halo diretamente iha terenu, Primeiru-Ministru (PM) Xanana Gusmão simu ho Parada militár Manila, Filipina nian, no Primeiru-Ministru (PM) Xanana Gusmão simu ho kontenensia ba Parada Militar Filipina nian,no sei iha mos dansa kultura husi Komunidade Filipina hodi simu Primeiru-Ministru (PM) Xanana Gusmão delegasaun husi Governu Timor-Leste.Ida nee nu’udar parte husi protokolu simu lider nasaun sira ne’ebé partisipa iha enkontru internasionál ne’e.
Partisipasaun Timor-Leste iha enkontru rejionál ne’e sai oportunidade importante atu hametin relasaun diplomátika, promove kooperasaun bilateral no multilateral, no aumenta kontribuisaun nasionál ba dezenvolvimentu rejiaun Sudeste Aziátiku.
Iha lideransa Primeiru-Ministru Kay Rala Xanana Gusmão, Timor-Leste kontinua haforsa nia pozisaun diplomátika, hametin relasaun ho nasaun parseiru sira, no aumenta nia vizibilidade iha arena internasionál, liu-liu iha organizasaun rejionál ASEAN.
Nu’udar membru ASEAN, Timor-Leste agora iha oportunidade atu partisipa diretamente iha prosesu foti desizaun rejionál, kontribui ba diskusaun polítika, seguransa, ekonomia, komérsiu, investimentu no dezenvolvimentu sustentavel.
Timor-Leste Membru ASEAN ne’e mós reprezenta etapa importante ida iha istória diplomásia Timor-Leste nian, tanba loke dalan ba nasaun atu hametin integrasaun rejionál, dezenvolve kapasidade institusionál no aprende husi esperiénsia nasaun membru sira seluk.
Liu husi Cimeira ASEAN dala 49 ne’e ho ho tema”Navega Ita nia futuru hamutuk”Tamba nee Timor-Leste hein katak, bele kontinua haforsa kompromisu hamutuk ho nasaun membru sira, hodi promove dame, estabilidade, prosperidade no kooperasaun iha rejiaun Sudeste Aziátiku.
Cimeira ASEAN dala 49 no enkontru relasionadu sira hala’o iha Manila, Filipina, husi loron 14 to’o 17 Novembru 2026, ho partisipasaun lider no reprezentante altu husi nasaun membru ASEAN no parseiru sira.
(jen)
