DILI, STLTIMORLESTE.com – Husu governu liu husi Autoridade Munisipiu Dili reativa no hadia hikas fatin estasinamentu Merkadu Manleuana atu nunee fasilita movimentu karreta-motor tama-sai merkadu para tuir fatin estasionamentu ho livre.
Kestaun nee hatoo husi Abel S. Maria nuudar vizitante ba STL iha Merkadu Manleuana, Dili, Kuarta (10/6/2026).
Tuir Joao, Merkado Manleuana hanesan merekadu boot lokaliza iha Kapital Dili nuudar kapital nasaun Timor-Leste (TL) kada loron movimentu transporte sempre tama-sai ho volume neebe boot, nunee mos vendedores ho kompardores sira kada loron tama-sai uain ba uain. Maibe tanba deit fatin estasionamentu la iha, karreta-motor tama-sai la fo fatin ba ema kompradores sira halo movimentu iha merkadu laran ho livre.
“Areador merkadu nee sedu ou tarde karreta-motor sei la bele halo movimentu iha laran tanba realidade agora dadaun iha merkadu laran fatin mamuk neebe uluk prepara hodi para karreta-motor ba kuaze atu lakon, tanba vendedores sira okupa hodi faan sasan la fo espasu ba transporte hodi para buka pasajeiru, karreta privadu mos buka fatin atu para susar la halimar, karik governu laresolve ho lais, ” katak Joao.
Prezidente Autoridade Munisipiu Dili, Francisco dos Santos responde ba preokupasaun nee hodi dehan, governu liu husi Ministeriu Komersiu Industria (MKI) iha ona planu atu hadia merkadu, nee duni agora iha hela prosesu hadia fatin hodi lokaliza karreta –motor para iha fatin, espera iha tempu badak bele hetan solusaun.
Estasionamentu mak hodi fasilita konsumidores sira tama-sai merkado hodi para transporte tuir nia fatin. “Entaun hanesan sestor prepara kondisoens hotu-hotu atu bele kria kondisoens ida adekuadu fasilita konsumidores sira hodi sente katak fatin segurus,” katak Francisco.
Tuir observasaun STL karreta balun neebe intensaun ba Merkadu Manleuana too ba merkado la bele ultra pasa liu ba merkadu laran tanba merkadu laran okupa hotu, ho nunee karreta balun para deit iha portaun boot Merkadu nia oin, foin nain lao tama ba merkado laran halo kompras. Maibe haluhan tiha estrada neebe sira para ba dadaun mos kloot nee duni dalaruma karreta para barak karreta seluk ruma lori sasan tanba merkadu laran tenke tama ho neneik no kuidadu foin tama.
(ger)
