DILI, STLTIMORLESTE.com – Institutu Siénsia Saúde (ICS) hahú ona ezekuta subsídiu públiku ba faze daruak ho montante 50%, ne’ebé tama ona iha konta bankária instituisaun nian iha fulan Outubru 2026.
Informasaun ne’e hato’o husi Reitór ICS, Leão Borges ba STL, iha nia servisu fatin, Sesta-feira (06/11/2026).
Nia hateten katak, prosesu ezekusaun fundu ne’e dadaun lao hela, ho prioridade ba sosa ekipamentu laboratóriu.
“Subsídiu públiku ne’e tama ona iha ami-nia konta bankária. Osan ne’e tama iha fulan Outubru foin dadaun. Agora prosesu ezekusaun nian lao hela, SP ba faze daruak ne’e ho montante 50%. Ezekusaun dadaun ne’e uza ba sosa ekipamentu laboratóriu,” nia dehan.
Leão Borges esplika katak, fundu ne’e sei uza mós ba apoiu ba dosente sira, peskiza, atividade desportiva no apoiu ba estudante sira.
Nia aumenta katak, bainhira prosesu ezekusaun hotu, ICS sei prepara relatóriu ezekusaun fundu nian atu hato’o ba Ministériu Ensinu Superior, Siénsia no Kultura (MESSK).
(jac)
