DÍLI, STLTIMORLESTE.com — Klubu Choque Mane sai kampeáun Liga Voleibol Timor-Leste Segunda Divizaun 2026, depois manan Matebian 3-0.
Partida final ne’e realiza iha Pavilhaun Ginásiu Dili, Sesta-feira, 25/09/2026, ho ekipa rua disputa títulu kompetisaun.
Hahú partida, Choque no Matebian hatudu jogu kompetitivu liuhusi kombinasaun servis, passing, smesh no bloku iha quadra.
Iha set dahuluk, Choque kontrola ritmu partida no aproveita oportunidade sira, liuliu liuhusi smesh, hodi manan 25-20.
Matebian tenta aumenta pontu, maibé Choque kontinua domina partida no hatudu konsisténsia iha atake no bloku.
Iha set daruak, Choque nafatin kontrola partida, enquanto Matebian buka oportunidade atu aumenta pontu no hamenus diferensa.
Choque kontinua hatudu qualidade liuhusi smesh no bloku konsistente, hodi remata set daruak ho vitória 25-14.
Iha set datoluk, Choque kontinua kontrola partida liuhusi servis, passing, smesh no bloku efetivu, hodi manan 25-15.
Ho rezultadu 3-0, Choque confirma títulu kampeáun Liga Voleibol Timor-Leste Segunda Divizaun epoka 2026.
Choque, husi Munisípiu Dili, ocupa primeiru lugar, Matebian husi Baucau iha segundu, no Daçuate husi Viqueque iha terseiru.
Ekipa Choque, Matebian no Daçuate sei hakat ba Liga Nasional Voleibol Primeira Divizaun 2026, tuir rezultadu kompetisaun.
Durante partida, apoiantes no simpatizante husi ekipa rua fó animasaun, hodi kria ambiente animadu iha Pavilhaun Ginásiu Dili.
(Leo)
