DILI, STLTIMORLESTE.com – Komando FALINTIL-Forsa Defeza Timor Leste (F-FDTL) ohin hahu halo limpeza jerál iha sidade Dili, hodi komemora loron Mundial OSEANU 2025.
“Limpeja jeral ohin ne’e la’os ba fatin ida deit, maibe kuaze ami Instituisaun F-FDTL simu orientasaun husi Ministériu Defeza hodi komemora loron mundial OSEANU nian, Timoroan hotu no mundu tomak oinsá atu preve meu ambiente ninian,” hatete Komandante Operasaun F-FDTL, Koronel João da Costa Esteves ba jornalista sira iha Ponte Maloa Dili, Kuarta nee (04/06/2025).
Nia hatutan, limpeza Jeral ne’e laos ba loron ida deit, membru Instituisaun F-FDTL halo limpeza jeral ohin to’o Sesta.
Aleinde limpeza jeral, nia hateten, sira mos simu orientasaun ida tan husi Komando F-FDTL para ekipa ida sei halo palestra no sosializasaun ba eskola sira neebe mak destaka besik iha fatin risku no oinsa sira bele hatene prosedimentu kona-ba meu ambiente ninian.
“Komando mos fo apelu ba komunidade sira atu labele soe foer arbiru, hau hanoin apelu nee laos foin mak fo, apelu nee ita halo dala barak ona, maibe ita persiza konsiensia husi komunidade sira, depois ita husu nafatin ba ita nia komunidade sira atu soe lixu iha fatin neebe mak Estadu no Governu liu husi Autoridade Munisipiu Dili prepara ona,” nia deklara.
Observasaun STL nian iha terenu katak, Komando F-FDTL halo limpeza mak hanesan tuir mai nee, Kuartel Jenerál F-FDTL limpeza husi mota Maloa too tasi ibun, Komponente Aéreo ho Unidade FALINTIL husi mota kasnafar too tasi ibun, Forsa Apoiu Jeral (FAG) ho Unidade Polisia Militár (PM) diresaun husi Ospital Lahane, Mota Taibesi too mota bidau nian, Komponente Naval husi Ponte BJ Habiebie too kristui rei no dolok oan.
Entretantu Membru F-FDTL sira neebe mak inklui iha limpeza jeral nee mak Komponente no Unidade tomak, inklui postu destakadu iha territoriu Timor laran tomak, no sira bele koordena ho autoridade lokal no Komando PNTL Munisipiu no Komponente Forsa Terestre mos ohin aban no bainrua limpeza jeral iha teritoriu Timor Leste laran tomak.
(jen)
